ఆముదం పంట సాగులో చీడపీడల బెడదను అరికట్టేందుకు సూచనలు..!

పొగాకు లద్దె పురుగులు గుంపులు గుంపులుగా మొక్కలపై దాడి చేసి ఆకులను అమాంతం తినేస్తాయి.లింగాకర్షణ బుట్టలను ఉంచి వీటి ఉనికిని గమనించాలి.మొదట లీటర్ నీటిలో రెండు మిల్లీలీటర్ల మోనోక్రోటోపస్ కలిపి పిచికారి చేయాలి.తరువాత దశలో ఐదు కిలోల తవుడు *అర కిలో బెల్లం * 0.5 లీటర్లు మోనోక్రోటోపస్ కలిపి పొలంలో చల్లాలి.అక్టోబర్ మాసంలో ఎక్కువగా దాసరి పురుగులు పంటను ఆశిస్తాయి.

పురుగుల ఉధృతి సాధారణంగా ఉంటే లీటర్ నీటిలో ఐదు మిల్లీలీటర్ల వేప నూనె కలిపి పిచికారి చేయాలి.ఒకవేళ పురుగుల ఉధృతి విపరీతంగా ఉంటే లీటరు నీటిలో థయోడికార్బ్ 1.5గ్రా.పిచికారి చేయాలి.

మొక్క పుష్పించే దశలో ఉన్నప్పుడు కాయ తొలిచే పురుగులు, కొమ్మ పురుగులు పంటను ఆశించకుండా లీటరు నీటిలో రెండు మిల్లీలీటర్ల ప్రొఫెనోఫాస్ కలిపి పిచికారి చేసుకోవాలి.ఇలా పంటను ఎప్పటికప్పుడు గమనిస్తూ, సరియైన అవగాహన కల్పించుకుని పంటను సంరక్షించుకోవాలి.