కెనడా ఎన్నికలు : ఖలిస్తానీయులకు షాక్ ... ఎన్డీపీ నేత జగ్మీత్ సింగ్ దారుణ పరాజయం

జగ్మీత్ వ్యక్తిగతంగా ఓడిపోవడంతో పాటు ఎన్డీపీ ( NDP ) కూడా పేలవ ప్రదర్శన చేసింది.అంతేకాదు.జాతీయ పార్టీ హోదాకు కావాల్సిన 12 సీట్లను గెలుచుకోలేకపోవడంతో పార్టీ గుర్తింపుపై ప్రభావం పడనుంది.

ఎన్నికల్లో ఓటమి అనంతరం ఎన్డీపీ నాయకత్వ బాధ్యతల నుంచి జగ్మీత్ సింగ్ తప్పుకుంటున్నట్లు ప్రకటించారు.ఖలిస్తాన్ వేర్పాటు వాదానికి, ఖలిస్తాన్ అనుకూల గ్రూపులకు జగ్మీత్ సింగ్ గట్టి మద్ధతుదారు.

ఆయన అండ చూసుకునే కెనడాలో ఖలిస్తాన్ గ్రూపులు రెచ్చిపోయేవి.అప్పట్లో ప్రభుత్వం మైనారిటీలో ఉండటంతో ట్రూడోకు( Trudeau ) ఎన్‌డీపీ మద్దతు కీలకం.

అందుకే జగ్మీత్‌ను ఆకట్టుకోవడానికి ఖలిస్తానీయులు ఏం చేసినా పట్టించుకోలేదు ట్రూడో.ఇప్పుడు జగ్మీత్ ఓడిపోవడంతో పాటు ప్రభుత్వాన్ని శాసించే పరిస్ధితుల్లో లేకపోవడంతో కెనడాలో ఖలిస్తాన్ ఉద్యమంపై ప్రభావం పడే అవకాశం ఉందని విశ్లేషకులు అంటున్నారు.