బంగ్లాదేశ్‌లో హిందువులపై దాడులు.. ఖండించిన ఇండో అమెరికన్ నేత వివేక్ రామస్వామి

బంగ్లాదేశ్‌( Bangladesh )లో రిజర్వేషన్ల అంశం షేక్ హసీనా ప్రభుత్వాన్ని గద్దె దించడంతో పాటు ఆమె రాజకీయ శరణార్ధిగా భారత్‌లో తలదాచుకోవాల్సిన పరిస్ధితులు నెలకొన్నాయి.

షేక్ హసీనా( Sheikh Hasina ) రాజీనామా చేసి దేశం వీడినా బంగ్లాదేశ్‌లో సాధారణ పరిస్ధితులు నెలకొనడం లేదు.

అల్లరి మూకలు ప్రభుత్వ ఆస్తులను, ప్రముఖుల నివాసాలే టార్గెట్‌గా విధ్వంసానికి తెగబడుతున్నాయి.అయితే ఆందోళనల ముసుగులో మతపరమైన హింస చోటు చేసుకుంటుండటం, ముఖ్యంగా హిందువులు , హిందూ ఆలయాలను ధ్వంసం చేయడంతో అంతర్జాతీయ సమాజం ఆగ్రహం వ్యక్తం చేస్తోంది.

హసీనా ప్రభుత్వం పడిపోయిన తర్వాత బంగ్లాదేశ్‌లోని 52 జిల్లాల్లో మైనారిటీలపై 205 దాడులు జరిగాయని బంగ్లాదేశ్ హిందూ బౌద్ధ క్రైస్తవ ఐక్యతా మండలి , బంగ్లాదేశ్ పూజ ఉద్జపన్ పరిషత్‌లు పేర్కొన్నట్లు పీటీఐ వార్తా సంస్థ నివేదించింది.