నేడే వెస్టిండీస్ తో రెండో టీ20 మ్యాచ్.. బ్యాటింగ్ లో రాణిస్తేనే..!

భారత్-వెస్టిండీస్( Ind vs WI ) మధ్య ఐదు టీ20 ల సిరీస్ ను భారత్ ఓటమితో ఆరంభించింది.

నేడు జరిగే రెండో టీ20 మ్యాచ్లో ప్రతీకారం తీర్చుకొని గెలవాలని భారత్ గట్టి పట్టుదలతో బరిలోకి దిగబోతుంది.

మరొకవైపు తొలి మ్యాచ్ గెలిచిన జోష్ లో ఉన్న వెస్టిండీస్ ఈ మ్యాచ్ లో గెలవాలని తెగ ఆరాటపడుతోంది.అయితే భారత జట్టు( Team India ) బ్యాటింగ్ లో రాణిస్తేనే విజయాలు భారత్ ఖాతాలో పడతాయి.

ఒకవేళ బ్యాటింగ్ ఆర్డర్ వైఫల్యం పొందితే విజయం చేజారే అవకాశం ఉంది.తొలి మ్యాచ్లో భారత బౌలర్లు రాణించడంతో వెస్టిండీస్ 149 పరుగులు మాత్రమే చేయగలిగింది.

కానీ భారత బ్యాటర్లు రాణించలేకపోవడంతో నాలుగు పరుగుల తేడాతో భారత్ ఓటమిని చవిచూసింది.నేడు జరిగే మ్యాచ్లో భారత్ విజయం సాధించాలంటే.

కెప్టెన్ హార్థిక్ పాండ్యా,( Hardik Pandya ) వైస్ కెప్టెన్ సూర్య కుమార్ యాదవ్,( Surya Kumar Yadav ) ఇషాన్ కిషన్, శుబ్ మన్ గిల్, సంజూ శాంసన్ బ్యాటింగ్లో అద్భుత ఆటను ప్రదర్శించాల్సిందే.అప్పుడే ఈ ఆటగాళ్లకు వన్డే వరల్డ్ కప్ లో జట్టులో చోటు దక్కే అవకాశం ఉంటుంది.