జనక్‌పూర్, అయోధ్య మధ్య సిస్టర్ సిటీ రిలేషన్‌షిప్ ఏర్పరచనున్న ఇండియా, నేపాల్..

ఇకపోతే ఇటీవల నేపాల్, భారతదేశం మధ్య సాంస్కృతిక, మత సామరస్యాన్ని ప్రదర్శించే ఒక కార్యక్రమం లుంబినీలో జరిగింది. భారతదేశం-నేపాల్ సాంస్కృతిక ఉత్సవం కనులవిందు చేసింది.లుంబిని బుద్ధుని జన్మస్థలం, ప్రపంచవ్యాప్తంగా ఉన్న బౌద్ధులకు పవిత్ర స్థలం.

లుంబినీ డెవలప్‌మెంట్ ట్రస్ట్, లుంబినీ బౌద్ధ విశ్వవిద్యాలయం సహకారంతో నేపాల్‌లోని భారత రాయబార కార్యాలయం ఈ ఉత్సవాన్ని నిర్వహించింది.ఈ పండుగలో భారతదేశం, నేపాల్ గొప్ప వారసత్వం, సంప్రదాయాలు, ముఖ్యంగా బౌద్ధమతానికి సంబంధించిన వివిధ కార్యకలాపాలు, ప్రదర్శనలు ఉన్నాయి.

ఈ ఉత్సవాన్ని నేపాల్‌లోని భారత రాయబారి నవీన్ శ్రీవాస్తవ, నేపాల్ సంస్కృతి, పర్యాటక, పౌర విమానయాన శాఖ మంత్రి సుడాన్ కిరాతి, లుంబినీ ప్రావిన్స్ ముఖ్యమంత్రి డిల్లీ బహదూర్ చౌదరి ప్రారంభించారు.ఇరుదేశాల మధ్య సాంస్కృతిక, మతపరమైన వైవిధ్యం, స్నేహానికి వారందరూ తమ ప్రశంసలను వ్యక్తం చేశారు.