ఆపరేషన్ ఏపీ : బీజేపీ లో చేరాలంటే బ్యాగ్రౌండ్ ఉండాల్సిందే 

ఏపీలో క్రమక్రమంగా బలం పెంచుకునే దిశగా బిజెపి ( BJP )అడుగులు వేస్తోంది.

ఇటీవల జరిగిన ఏపీ అసెంబ్లీ,  పార్లమెంట్ ఎన్నికల్లో బిజెపి, టిడిపి, జనసేన కూటమి అధికారంలోకి వచ్చిన తరువాత, శరవేగంగా రాజకీయ పరిణామాలు చోటు చేసుకుంటున్నాయి.

ప్రస్తుతానికి మూడు పార్టీలు కలిసి ముందుకు వెళుతున్నా.భవిష్యత్తులో సమన్వయ లోపం ఏర్పడకుండా ముందుగానే జాగ్రత్తలు తీసుకుంటున్నారు.

ఈ మేరకు బిజెపి చేరికల విషయంలో వ్యవహాత్మకంగా వ్యవహరిస్తోంది.పార్టీలోకి పెద్ద ఎత్తున చేరికలను ప్రోత్సహించాలనే లక్ష్యాన్ని పెట్టుకున్న బిజెపి.

చేరికల విషయంలో చాలా జాగ్రత్తగా తీసుకుంటుంది.ఏపీలో కూటమి ఏర్పడిన తర్వాత ఇతర పార్టీల నుంచి పెద్ద ఎత్తున నాయకులు బిజెపిలో చేరారు .అయితే ఎన్డీఏ కూటమి ఏర్పడిన తరువాత చేరికల విషయంలో జాగ్రత్తలు తీసుకోకపోతే , కూటమి పార్టీల మధ్య భేదాభిప్రాయాలు వస్తాయని బిజెపి పెద్దలు అంచనా వేస్తున్నారు.  అందుకే ఇకపై పార్టీలో చేరే వారి విషయంలో చాలా జాగ్రత్తగా తీసుకోవాలని,  దీనికి సంబంధించి మండల , జిల్లా , రాష్ట్ర స్థాయిలో కమిటీలు వేసేందుకు బిజెపి సిద్ధం అవుతోంది.