ఇష్టం లేకపోయినా ఆ చెత్త సినిమాలో నటించాల్సి వచ్చింది.. ప్రియాంక చోప్రా షాకింగ్ కామెంట్స్!

Kalpana Reddy

Sr Editor

2023-06-01   16:04:04  IST

సాధారణంగా సినిమా ఇండస్ట్రీలో( Cinema Industry ) అవకాశాలు అందుకోవాలన్న తదుపరి మంచి సినిమా అవకాశాలు రావాలన్న కొన్నిసార్లు మనకు నచ్చకపోయినా కొన్ని సినిమాలలో నటించాల్సి వస్తుంది.

Ad

అయితే ఆ సినిమాలో ఇష్టం లేకపోయినా నటించడానికి ఎన్నో కారణాలు ఉంటాయి.

బహుశా డైరెక్టర్ మంచివారు కావచ్చు లేదా హీరో స్టార్ హీరో కావచ్చు.ఆ సినిమా చేయకపోతే తన కెరియర్ ఇబ్బందులలో పడుతుంది అన్న ఉద్దేశంతో కూడా కొందరు తమకు ఇష్టం లేకపోయినా కొన్ని సినిమాలలో నటిస్తూ ఉంటారు.

ఈ క్రమంలోనే బాలీవుడ్ నటి గ్లోబల్ స్టార్ ప్రియాంక చోప్రా కూడా అలాంటి సినిమాలో నటించారని తెలుస్తుంది.

తాజాగా ఒక ఇంటర్వ్యూలో పాల్గొన్నటువంటి ప్రియాంక చోప్రా (Priyanka Chopra) తనకు ఒక సినిమాలో నటించడం ఏమాత్రం ఇష్టం లేకపోయినా ఆ సినిమాలో నటించాల్సి వచ్చింది అంటూ సినిమా గురించి చెప్పుకొచ్చారు.అయితే ఈమె సినిమా పేరు ఎక్కడా ప్రస్తావించలేదు.ఇష్టం లేకపోయినా అలాంటి చెత్త సినిమాలో నటించి ఎన్నో ఇబ్బందికరమైన అనుభూతులను ఎదుర్కొన్నానని ప్రియాంక చోప్రా వెల్లడించారు.

ఆ సినిమాలో తాను ఒక బొమ్మల పని చేశానని, గంటల తరబడి వెయిట్ చేయించి చెత్త డైలాగ్స్ నాకు ఇచ్చేవారని ప్రియాంక చోప్రా వెల్లడించారు.నిజానికి నాది అలాంటి పాత్ర అస్సలు కాదు కానీ కొన్ని పరిస్థితుల కారణంగా ఈ సినిమాలో నటించాల్సి వచ్చిందని తెలిపారు.