చిటికెడు కుంకుమ పువ్వుతో మొటిమల్లేని తెల్లటి మెరిసే చర్మాన్ని పొందొచ్చు.. ఎలాగంటే?

కుంకుమపువ్వు.( Saffron ) చూడడానికి ఎంతో ఆకర్షణీయంగా ఉంటుంది.

అలాగే చక్కటి సువాసన కలిగి ఉండే ఈ సుగంధ ద్రవ్యం చాలా ఖరీదైనది.

కాశ్మీర్ లోయలో పండే కుంకుమపువ్వు కిలో దాదాపు నాలుగు లక్షల వరకు ఉంటుంది.

సాధారణంగా ప్రెగ్నెన్సీ సమయంలో కుంకుమపువ్వును వాడమని పెద్దలు చెబుతుంటారు.కుంకుమపువ్వు పాలు తాగితే పుట్టబోయే బిడ్డ తెల్లగా అందంగా పుడతారని నమ్మకం.

ఇదంతా పక్కన పెడితే కుంకుమపువ్వును గర్భిణీలే కాదు ఎవ్వరైనా తీసుకోవచ్చు.కుంకుమ పువ్వులో అనేక ఔషధ గుణాలు నిండి ఉంటాయి.

అవి మనకు అపారమైన ఆరోగ్య ప్రయోజనాలను చేకూరుస్తాయి.ఎన్నో జ‌బ్బుల నుంచి రక్షిస్తాయి.

అలాగే చర్మ సౌందర్యాన్ని పెంచ‌డానికి కూడా కుంకుమపువ్వు సహాయపడుతుంది.చిటికెడు కుంకుమపువ్వుతో మ‌చ్చ‌ల్లేని తెల్లటి మెరిసే చర్మాన్ని పొందొచ్చు.

అందుకోసం ముందుగా స్టవ్ ఆన్ చేసి గిన్నె పెట్టుకుని ఒక గ్లాస్ వాటర్ పోసుకోవాలి.వాట‌ర్ హీట్ అవ్వ‌గానే అందులో చిటికెడు కుంకుమపువ్వు( Saffron ) తో పాటు అంగుళం కచ్చాపచ్చాగా దంచిన ములేటి చెక్క( Muleti wood ) వేసి దాదాపు పది నిమిషాల వరకు మరిగించాలి.