రాష్ట్రపతి భవన్ చరిత్రలో అరుదైన వివాహం

రాష్ట్రపతి భవన్( Rashtrapati Bhavan ) చరిత్రలో మొదటిసారి ఓ అరుదైన ఘటన చోటు చేసుకోబోతోంది.

రాష్ట్రపతి వ్యక్తిగత భద్రతాధికారి (పీఎస్వో)గా విధులు నిర్వర్తిస్తున్న ఓ మహిళా ఉద్యోగి వివాహానికి రాష్ట్రపతి భవన్ వేదిక కానుంది.

రాష్ట్రపతి ద్రౌపది ముర్ము( President Droupadi Murmu ) స్వయంగా అనుమతి ఇవ్వడంతో, ఈ నెల 12న మదర్ థెరిస్సా క్రౌన్ కాంప్లెక్స్‌లో ఈ వివాహం జరగనుంది.సీఆర్పీఎఫ్ అసిస్టెంట్ కమాండెంట్ పూనమ్ గుప్తా( CRPF Assistant Commandant Poonam Gupta ) ఈ అరుదైన గౌరవాన్ని అందుకున్నారు.

జమ్మూ కశ్మీర్‌లో అసిస్టెంట్ కమాండెంట్‌గా సేవలందిస్తున్న అవనీశ్ కుమార్ తో( Awanish Kumar ) ఆమె వివాహం జరగనుంది.పూనమ్‌ భద్రతా సిబ్బందిలో ఉండటమే కాక, విధుల్లో అత్యంత అంకితభావంతో పనిచేయడం రాష్ట్రపతి ద్రౌపది ముర్మును ఆకట్టుకుంది.

అందుకే, ప్రత్యేక అనుమతి ఇచ్చి రాష్ట్రపతి భవన్‌ లోనే ఈ వివాహాన్ని జరిపించాలని నిర్ణయించారు.