భారతీయ మహిళకి అమెరికాలో అత్యున్నత పదవి .. వెలుగులోకి మోడీ వ్యతిరేక చర్యలు

అమెరికా అధ్యక్ష ఎన్నికల్లో గెలిచిన రిపబ్లికన్(Republican) నేత డొనాల్డ్ ట్రంప్(Donald Trump) తన టీమ్‌లో భారత సంతతికి చెందిన వ్యక్తులకు అవకాశాలు కలిపిస్తున్న సంగతి తెలిసిందే.

ఇప్పటికే వివేక్ రామస్వామి, జే భట్టాచార్య తదితరులను కీలక పదవులకు నామినేట్ చేశారు.

ఇక రెండ్రోజుల క్రితం భారత మూలాలున్న హర్మీత్ కే ధిల్లాన్‌ను న్యాయశాఖలో పౌరహక్కుల విభాగానికి అసిస్టెంట్ అటార్నీ జనరల్‌గా ఎంపిక చేశారు ట్రంప్.అయితే ఈ నియామకంపై భారతీయ అమెరికన్లలోనూ, భారత్‌లోనూ పెద్ద చర్చకు దారి తీసింది.

దీనికి కారణం లేకపోలేదు.గతంలో నల్లచట్టాలు రద్దు చేయాలంటూ రైతులు నిర్వహించిన నిరవధిక పోరాటానికి హర్మీత్ గట్టి మద్ధతుదారు.

అంతేకాదు.ఉత్తర అమెరికాలో భారతీయ డెత్ స్క్వాడ్‌లు పనిచేస్తున్నట్లు ఆరోపించడం దుమారం రేపింది.

ఇటీవల అమెరికాలో ఓ ఖలిస్తానీ కార్యకర్తను చంపడానికి భారతీయ పౌరుడైన ఓ మాజీ రా అధికారి ప్రయత్నించాడంటూ అతనిపై కేసు నమోదైన విషయాన్ని ఆమె ప్రస్తావించారు.