ఇది కదా సినిమా పిచ్చి అంటే.. తాత చేసిన పనికి ప్రశంసలు కురిపిస్తున్న నెటిజన్స్?

సినిమా ప్రేమికుడిని తన తాతను పరిచయం చేశాడు ఒక మనవడు.అసలు విషయంలోకి వెళితే ఏజే అనే ఒక ట్విట్టర్ యూజర్ తన తాత చూసిన సినిమాల జాబితా అంటూ ఒక పేజీని తీసి సోషల్ మీడియాలో షేర్ చేశాడు.ఇక ఆ ఫోటోలో వారి తాత చూసిన సినిమాలు వాటి సంఖ్యతో పాటుగా సినిమా చూసిన తేదీ షో సమయం టికెట్ కు ఎంత ఖర్చు పెట్టాడు అన్నది సరుకుల పట్టి రూపంలో రాసి పొందుపరుచుకున్నాడు.

కేవలం ప్రాంతీయ సినిమాలు మాత్రమే కాకుండా ఇంగ్లీష్ సినిమాలు కూడా చూసినట్టు రాసుకొచ్చాడు.అయితే అవన్నీ కూడా 1958 నుంచి 1974 వరకు కూడా చూసిన సినిమాల జాబితాగా మనవడు తెలిపాడు.

ఆయన నమోదు చేసిన జాబితాలో మొత్తంగా 470 సినిమాలు చూసినట్లు తెలుస్తోంది.