తెలంగాణ టీపీఎస్ఎస్సి విషయంలో ఎంటర్ అయిన గవర్నర్ యాక్షన్ షురూ !

తెలంగాణలో ఉద్యోగార్డులు తీవ్ర ఆందోళనకు గురవుతున్నారు.

టౌన్ ప్లానింగ్ ఆఫీసర్ల పరీక్ష పేపర్ లీక్ ( TSPSC Paper Leak ) అయ్యింది అన్న వార్త తెలంగాణ వ్యాప్తంగా సంచలనం రేకెత్తించింది .

ప్రవీణ్ ( Praveen ) అనే అధికారి హనీ ట్రాప్ ద్వారా ఈ పేపర్లను మరొక మహిళకు అందించాడన్న వార్తలపై స్పందించిన ప్రభుత్వం ఆ పరీక్షలను రద్దు చేసింది.అయితే ఈ విచారణ సమయంలో గ్రూప్ వన్ ప్రిలిమ్స్ పేపర్ కూడా లీక్ అయిందన్న సమాచారం ఉద్యోగస్తుల్ని అయోమయానికి గురిచేస్తుంది.

అసలే రాకరాక నోటిఫికేషన్ వస్తే ఇప్పుడు ఈ కొత్త సమస్య ఏమిటంటూ పరీక్షకు సిన్సియర్ గా ప్రిపేర్ అయిన వాళ్ళు మానసికంగా కృంగిపోతున్నారు.ఇప్పుడు ఈ పరీక్ష ను కూడా రద్దు చేస్తే తమ భవిష్యత్తు ఏమిటంటూ ప్రభుత్వాన్ని నిలదీస్తున్నారు.

మళ్లీ ఇప్పుడు ఎలక్షన్ నోటిఫికేషన్ వస్తే ఇప్పుడప్పుడే మళ్ళీ పరీక్షలు పెట్టడం కుదరదు.తమ తమ జీవితం నాశనం అయిపోతుందన్న అయోమయం చాలామందికి నిద్ర లేకుండా చేస్తుంది.

ప్రభుత్వం కూడా ఈ సమస్యని ఎలా డీల్ చేయాలో తెలియని పరిస్థితిలో ఉన్నట్లుగా అర్థమవుతుంది.ఇప్పుడు ఈ విషయంలోకి తెలంగాణ గవర్నర్( Telangana governor ) ఎంట్రీ ఇచ్చారు .ప్రశ్నాపత్రం లీక్ వ్యవహారంలో జరిగిన పరిణామాలు విచారణ విదానాన్ని సమగ్ర నివేదిక రూపంలో రెండు రోజుల్లోగా ఇవ్వాలని టిపిఎస్ఎస్సికి నోటీసులు ఇచ్చారు.