Ghantasala ; 30 ఏళ్ల పాటు ఒక అవార్డు కేవలం ఘంటసాలకు మాత్రమే సొంతం.. ఏంటది?

కాలేజీలో చిన్న గొడవ వల్ల ఘంటసాలను బహిష్కరిస్తే అదే కాలేజీలో గాత్ర పండితులుగా పనిచేస్తున్న పట్రాయని సీతారామశాస్త్రి ( Patrayani Sitarama Shastri )ఆయన్ని చేరదీశారు.ఆయన దగ్గరే సంగీతం గురించి ఎన్నో విషయాలను ఘంటసాల తెలుసుకున్నారు.కొద్ది రోజులకు మళ్లీ అదే కాలేజీలో చేరి నాలుగేళ్ల మ్యూజిక్ కోర్సుని రెండేళ్లలో కంప్లీట్ చేశారు.అదే సమయంలో క్విట్‌ ఇండియా ఉద్యమంలో పాల్గొని రెండేళ్లు జైలుకు కూడా వెళ్లారు.1944లో మేనకోడలు సావిత్రితో ఘంటసాల పెళ్లి జరిగింది.అప్పటినుంచి తనని, తన భార్యను పోషించేందుకు సంగీత కచేరీలు చేయడం ప్రారంభించారు.

ఊరూరా తిరుగుతూ కచేరీలు చేస్తూ ప్రముఖ సంగీత దర్శకుడు సముద్రాల రాఘవాచార్యుల కంట పడ్డారు.ఘంటసాల గాత్రానికి సముద్రాల ఫిదా అయిపోయి సినీ పరిశ్రమలో అడుగు పెట్టాలని కోరారు.

ఆపై బి.ఎన్‌.రెడ్డికి, చిత్తూరు నాగయ్యలకి ఘంటసాలను పరిచయం చేసి మూవీ ఇండస్ట్రీలో అడుగుపెట్టడానికి మార్గం సుగమనం చేశారు.

కొద్ది రోజులకి ఘంటసాలకి స్వర్గసీమ’ మూవీలో పాట పాడే అవకాశాన్ని బి.ఎన్‌.రెడ్డి కల్పించారు.

అదే అతను పాడిన తొలి సినిమా పాట.ఈ పాట పాడినందుకు రూ.116 పారితోషికంగా పొందారు.దీని తర్వాత ‘రత్నమాల’ మూవీలోని కొన్ని పాటలను కంపోజ్ చేసి చాలామంది దృష్టిలో పడ్డారు అనంతరం ఆయన వెనక్కి తిరిగి చూసుకోలేదు.