డిమాండ్స్‌కు ఓకే చెప్పించుకుంది.. చివరకు ఓకే చెప్పింది

స్టార్‌ హీరోలతో నటించిన కాజల్‌ ప్రస్తుతం చిన్న హీరోలతో నటించేందుకు ఓకే చెబుతుంది.కళ్యాణ్‌ రామ్‌, రానా, శర్వానంద్‌, బెల్లంకొండ శ్రీనివాస్‌ వంటి హీరోలతో నటించి, నటిస్తున్న కాజల్‌ రాజశేఖర్‌తో మాత్రం నటించేందుకు నో చెప్పిందట.‘అ!’ చిత్ర దర్శకుడు ప్రశాంత్‌ వర్మ దర్శకత్వంలో రాజశేఖర్‌ హీరోగ ఒక చిత్రం తెరకెక్కబోతుంది.

ఆ చిత్రంలో హీరోయిన్‌గా కాజల్‌ను అనుకున్నారు.కాని కాజల్‌ మొదట బిజీ షెడ్యూల్‌ అంటూ నో చెప్పిందట.

రెండు మూడు సార్లు దర్శకుడు కాజల్‌ను సంప్రదించడంతో తప్పనిసరి పరిస్థితిలో కొన్ని కండీషన్స్‌ పెట్టి మరీ ఓకే చెప్పినట్లుగా తెలుస్తోంది.హీరో రాజశేఖర్‌తో మూవీ అంటే కొన్ని ఇబ్బందులు సెట్స్‌లో ఉంటాయి.ఆ ఇబ్బందులు లేకుండా చూసుకోవాలి, దాంతో పాటు పారితోషికం 1.75 కోట్లు ఇవ్వాల్సిందే.పారితోషికం విషయంలో ఓకే చెప్తే కథలో తన పాత్ర నిడివి పెంచాలని, తన సీన్స్‌ ప్రాముఖ్యత ఉండేలా స్క్రీన్‌ప్లే ఉండాలి అంటూ కండీషన్స్‌ పెట్టింది.

ఈ మూడు కండీషన్స్‌కు కూడా దర్శకుడు ప్రశాంత్‌ వర్మ మరియు రాజశేఖర్‌ ఒప్పుకున్నారు.రాజశేఖర్‌ మూవీలో కాజల్‌ నటించేందుకు కాస్త డిమాండ్‌లు ఎక్కువే చేసింది.