అమెరికాలో భారత సంతతి గ్యాంగ్‌స్టర్ అరెస్ట్ .. ఎఫ్‌బీఐ చీఫ్ కాష్ పటేల్ కీలక వ్యాఖ్యలు

నిఘా సంస్థలు, భద్రతా ఏజెన్సీలకు దొరకకుండా హర్‌ప్రీత్ సింగ్ బర్నర్ ఫోన్లు, ఎన్‌క్రిప్టెడ్ అప్లికేషన్‌లను ఉపయోగిస్తున్నట్లు ఎఫ్‌బీఐ శాక్రమెంటో విభాగం తెలిపింది.ప్రపంచ భద్రతకు ముప్పు కలిగించే వారిని పట్టుకోవడంలో అంతర్జాతీయ సహకారం ప్రాముఖ్యతను ఈ కేసు బలోపేతం చేస్తుందని పేర్కొంది.ఈ ఏడాది జనవరిలో భారత జాతీయ దర్యాప్తు సంస్థ (ఎన్ఐఏ) హర్‌ప్రీత్‌పై రూ.5 లక్షల నగదు బహుమతిని ప్రకటించింది.చండీగఢ్‌లోని ఓ ఇంటిపై హ్యాండ్ గ్రెనేడ్ దాడి కేసులో హర్‌ప్రీత్‌ను గాలిస్తున్నారు.

హర్‌ప్రీత్ సింగ్ పంజాబ్‌లోని అమృత్‌సర్ శివార్లలోని అజ్నాలా తహసీల్‌కు చెందిన వాడు.చండీగఢ్‌లోని సెక్టార్ 10/డీలోని ఓ ఇంటిపై జరిగిన హ్యాండ్ గ్రెనేడ్ దాడికి సంబంధించి అక్టోబర్ 1, 2024న నమోదైన కేసులో హర్‌ప్రీత్ సింగ్ పరారీలో ఉన్నాడు.

ఇతనిని నాటి నుంచి భద్రతా సంస్థలు గాలిస్తున్నాయి.