కవిత కేంద్రంగా రాజకీయం కేసీఆర్ ని లొంగదీసుకోవడానికేనా ?

గత కొన్ని రోజులుగా కవిత చుట్టూ ఢిల్లీ లిక్కర్ కేసు తిరుగుతుంది.ఇప్పటికే ఈ కేసులో చాలామందిని విచారించిన ఈడి కొంతమంది అరెస్ట్ కూడా చేసింది .

ఇప్పుడు ఢిల్లీ ముఖ్యమంత్రి అరవింద్ కేజ్రీవాల్ పేరు కూడా ప్రధానంగా ప్రస్తావించిన ఈడి మరొక పక్క kcr తనయ కవితను కూడా ఈ కేసులో బాగస్వామిని చేస్తుంది.ఇప్పటికే ఒక దఫా విచారణను పూర్తి చేసిన ఈడి మరొకసారి విచారణకు రావలసిందిగా కవితకు నోటీసులు జారీ చేసింది .రాజకీయాల్లో కక్ష తీర్చుకోవడానికి లేదా లొంగదీసుకోవడానికి మాత్రమే ఈ డి ఎలాంటి నోటీసులు ఇస్తుందని ఇదంతా కేంద్ర ప్రభుత్వ కనుసన్నలలో జరుగుతుందని ఢిల్లీ ముఖ్యమంత్రి అరవింద్ కేజ్రీవాల్ ఆరోపించారు.ఇప్పటి వరకు ఐదు వేల చార్జిషీట్లు వేసిన ఈడి ఒక్క కేసును కూడా నిరూపించలేకపోయిందని, దీనిని బట్టి కేంద్రప్రభుత్వం దర్యాప్తు సంస్థలను ఏ స్థాయిలో దుర్వినియోగం చేస్తుందో అర్థం చేసుకోవాలని ఆయన తెలిపారు.

స్వతంత్రంగా వ్యవహరించాల్సిన దర్యాప్తు సంస్థల్ని ఇలాంటి అనైతిక కార్యకలాపాల కోసం అక్రమాల కోసం దిగజార్చిన ఘనత మోడీ ప్రభుత్వానికి చెందుతుందని ఆయన ఆరోపించారు.ఇటుపక్క రామచంద్ర పిళ్లై కవిత బినామీ అని, ఆ విషయాన్ని ఆయనే స్టేట్మెంట్ ఇచ్చారని ఈడి ప్రకటించింది.