వెల్లుల్లి పొట్టు ప‌నికిరాద‌ని పారేస్తున్నారా.. అయితే ఈ పోష‌కాల‌న్నీ మీరు కోల్పోతున్న‌ట్లే!

అయితే నిజానికి వెల్లుల్లి మాత్ర‌మే కాదు వెల్లుల్లి పొట్టు కూడా మ‌న ఆరోగ్యానికి ఎంతో మేలు చేస్తుంది.వెల్లుల్లి పొట్టును పారేస్తే.మీరు విటమిన్ ఎ, విట‌మిన్ సి, విట‌మిన్ ఇ, పొటాషియం, కాల్షియం, భాస్వరం, ఫ్లేవనాయిడ్స్‌, యాంటీ ఆక్సిడెంట్స్ ఇలా ఎన్నో పోష‌కాల‌ను మీరు కోల్పోతున్నట్లే.

అందువ‌ల్ల వెల్లుల్లి పొట్టును పారేయ‌కుండా వాడేయ‌డ‌మే ఉత్త‌మం.వెల్లుల్లిని పేస్ట్ చేసే క్ర‌మంలో పొట్టుతో పాటే గ్రైండ్ చేసుకోవాలి.వెల్లుల్లి పొట్టుతో టీ త‌యారు చేసుకుని కూడా తీసుకోవ‌చ్చు.

వాట‌ర్ లో వెల్లుల్లి పొట్టు వేసి ప‌ది నిమిషాల పాటు మ‌రిగించి వ‌డ‌క‌డితే టీ సిద్ధం అవుతుంది.వెల్లుల్లి పొట్టు టీ జలుబు మరియు ఫ్లూ వంటి స‌మ‌స్య‌ల‌కు సహజ నివారణగా ఉపయోగప‌డుతుంది.

ఈ టీ తాగితే జ‌లుబు, ద‌గ్గు( Cold, cough ), గొంతు నొప్పి, గొంతు వాపు వంటివి ప‌రార్ అవుతాయి.నిద్రలేమితో బాధ‌ప‌డుతున్న వారికి కూడా వెల్లిల్లి పొట్టు టీ ఔష‌ధంలా ప‌ని చేస్తుంది.

రోజుకు ఒక క‌ప్పుడు వెల్లుల్లి పొట్టు టీ తీసుకుంటే నాణ్య‌మైన నిద్ర‌ను పొందుతారు.