ధనుష్ ఐశ్వర్య లవ్ స్టోరీ గురించి మీకు ఈ విషయాలు తెలుసా?

సాధారణంగా సినిమా ఇండస్ట్రీలో ఎంతో మంది సెలబ్రిటీలు తొందరగా ప్రేమలో పడతారు.

ఇలా ప్రేమలో పడిన కొన్ని జంటలు పెద్దల సమక్షంలో పెళ్లిళ్లు చేసుకొని గడుపుతున్నారు అనుకొనే సమయానికి బాంబు లాంటి వార్త చెబుతూ ఆశ్చర్యానికి గురి చేస్తారు.

ఇటీవల కాలంలో టాలీవుడ్ ఇండస్ట్రీకి చెందిన సమంత నాగచైతన్య విడాకులు విషయాన్ని ప్రకటిస్తూ.అందరినీ షాక్ కి గురి చేశారు.

వీరి విడాకుల విషయం గురించి మర్చిపోకముందే తమిళ ఇండస్ట్రీకి చెందిన స్టార్ హీరో ధనుష్ ఐశ్వర్యలు విడాకులు తీసుకుని విడిపోతున్నట్లు ప్రకటించారు.ఇలా వీరిద్దరూ విడాకులు ప్రకటించడంతో రజనీకాంత్ తో పాటు అభిమానులు కూడా ఎంతో షాక్ అవుతూ వీరిద్దరూ విడిపోడానికి గల కారణాలు ఏంటి అనే సందేహాలు వ్యక్తపరుస్తున్నారు.

ఈ క్రమంలోనే వీరు పెళ్లి గురించి మరికొంతమంది ఆరా తీస్తున్నారు.ఇలా ఐశ్వర్య ధనుష్ ల వివాహం 2004 నవంబర్ 18 వ తేదీ ఈ జంట ప్రేమ వివాహాన్ని చేసుకున్నారు.

అయితే వీరిద్దరికీ ఎలా పరిచయం ఏర్పడిందనే విషయానికి వస్తే.ధనుష్ హీరోగా నటించిన కాదల్ కొండై సినిమా విడుదల సమయంలో వీరిద్దరికీ పరిచయం ఏర్పడింది.