ఏపీ ,తెలంగాణ సీఎంల మధ్య వీటి పైనే చర్చ ?

Sai Mallula

Political Reporter

2024-07-07   09:12:25  IST

టీడీపీ అధినేత,  ఏపీ సీఎం చంద్రబాబు, తెలంగాణ కాంగ్రెస్ అధ్యక్షుడు,  సీఎం రేవంత్ రెడ్డి( CM Revanth Reddy ) భేటీ జరిగింది.

Ad

ఈ ఇద్దరు సీఎంలు మధ్య జరిగిన భేటీపై సర్వత్ర ఆసక్తి నెలకొంది.

చంద్రబాబు శిష్యుడుగా గతంలో టిడిపి( TDP )లో పనిచేసిన రేవంత్ రెడ్డి ఇప్పుడు తెలంగాణ సీఎం కావడం,  గురు శిష్యులు ఇద్దరు రెండు రాష్ట్రాలకు ముఖ్యమంత్రులుగా ఉండడంతో , ఏపీ తెలంగాణ విభజన సమస్యల విషయంలో సానుకూల నిర్ణయాలు వెలువడే అవకాశం ఉందని అంత భావిస్తున్నారు.

  అసలు ఈ ఇద్దరు మధ్య ఏ ఏ అంశాలకు సంబంధించిన చర్చ జరిగింది అనే దాని పైన అందరికీ ఆసక్తి నెలకొంది.పునర్విభజన చట్టంలోని అంశాలు,  విభజన తర్వాత కూడా గత పదేళ్లుగా రెండు రాష్ట్రాల మధ్య ఉన్న ఇబ్బందులపై సీఎం చంద్రబాబు , రేవంత్ రెడ్డి భేటీ అయ్యారు. ప్రజాభవన్ లో జరిగిన ఈ సమావేశానికి రెండు రాష్ట్రాల నుంచి ముగ్గురు మంత్రులు , సిఎస్, ఇతర అధికారులు హాజరయ్యారు.

ఈ సమావేశంలో ప్రధానంగా ఏపీకి హైదరాబాదులోని కొన్ని బిల్డింగులను కేటాయించాలని చంద్రబాబు( Chandrababu ) రేవంత్ రెడ్డిని కోరగా,  స్థిరాస్తి ఇచ్చే ప్రసక్తి లేదని రేవంత్ చంద్రబాబుకు తేల్చి చెప్పారట .