వరుణ్‌ కూడా స్పీడ్‌ పెంచాడు.. తేజూలా తప్పు మాత్రం చేయడం లేదు

ప్రస్తుతం సంకల్ప్‌ రెడ్డి దర్శకత్వంలో ఒక అంతరిక్ష నేపథ్యం కల్గిన సినిమాను చేస్తున్న వరుణ్‌ మరో వైపు దిల్‌రాజు బ్యానర్‌లో విక్టరీ వెంకటేష్‌తో కలిసి ‘ఎఫ్‌ 2’ అనే మల్టీస్టారర్‌ చిత్రాన్ని చేస్తున్నాడు.ఈ రెండు సినిమాలు కూడా ప్రస్తుతం చకచక షూటింగ్‌ జరుపుకుంటున్నాయి.మల్టీస్టారర్‌ చిత్రాన్ని అనీల్‌ రావిపూడి పూర్తి స్థాయి మాస్‌ మసాలా యాక్షణ్‌ చిత్రంగా చూపించేందుకు ప్రయత్నాలు చేస్తున్నాడు.

మల్టీస్టారర్‌లో వరుణ్‌లోని మాస్‌ యాంగిల్‌ ఆవిష్కారం కాబోతుంది.ఈ సమయంలోనే వరుణ్‌ మరో సినిమాకు కూడా గ్రీన్‌ సిగ్నల్‌ ఇచ్చినట్లుగా సమాచారం అందుతుంది.

‘సినిమా చూపిస్త మావ’, ‘నేను లోకల్‌’ చిత్రాలతో దర్శకుడిగా యూత్‌ ఆడియన్స్‌ మనసును గెలుచుకున్న దర్శకుడు త్రినాధరావు నక్కిన ప్రస్తుతం దిల్‌రాజు బ్యానర్‌లో రామ్‌ హీరోగా, అనుపమ పరమేశ్వరన్‌ హీరోయిన్‌గా ‘హలో గురు ప్రేమకోసమే’ చిత్రాన్ని తెరకెక్కిస్తున్నాడు.దసరాకు ముందు ఆ చిత్రాన్ని విడుదల చేసేందుకు దర్శకుడు త్రినాధరావు నక్కిన ఏర్పాట్లు చేస్తున్నాడు.

ఇక ఆ చిత్రం పూర్తి అవ్వడమే ఆలస్యం మెగా హీరో వరుణ్‌ తేజ్‌తో త్రినాధరావు సినిమాను చేయబోతున్నాడు.