ఎలాంటి నోటి సమస్యకి ఎలాంటి టూత్ పేస్ట్ తీసుకోవాలి ?

స్కిన్ క్రీమ్ అంటే ఒకటే ఉండదు కదా.

మొటిమలకి వేరే క్రీమ్ ఉంటుంది, మచ్చలకి వేరే ఉంటుంది, దురదకి వేరే ఉంటుంది, కాలిన గాయాలకు వేరే ఉంటుంది .

ఇలా చెప్పుకుంటే పొతే, రకరకాల చర్మ సమస్యలకి రకరకాల ఫేస్ క్రీమ్స్ ఉంటాయి.మరి టూత్ పేస్ట్ కూడా అంతేగా.

అలాగే నోటి సమస్యలు కూడా అంతేగా.నోటి సమస్యల్లో కూడా రకాలు ఉంటాయి.

కొందరికి దంతాలు తెల్లగా కావాలని ఉంటుంది, కొందరికి చిగుర్లలో నొప్పిగా ఉంటుంది.అలాంటప్పుడు ఇద్దరు ఒకటే టూత్ పేస్ట్ వాడితే ఎలా ? కాబట్టి ఎలాంటి సమస్యకి ఎలాంటి టూత్ పేస్ట్ వాడాలో ఇప్పుడు చూడండి.* దంత క్షయం మీ సమస్య అయితే, సోడియం ఫ్లోరైడ్ లభించే టూత్ పేస్ట్ వాడండి.

ఇది ఆసిడిక్ ఫుడ్ నుంచి మీ దంతాలను కాపాడుతుంది.కాని జాగ్రత్త సుమ, చిన్నపిల్లలకి టూత్ పేస్ట్ తినే అలవాటు ఉంటుంది.

అలాంటివారికి ఈరకం టూత్ పేస్ట్ దూరంగా పెట్టాలి.* వేడివేడిగా ఉండే వస్తువు కాని, చల్లగా ఉన్న పదార్థం కాని తింటే వెంటనే దంతాలలో ఎక్కడలేని నొప్పిగా ఉంటోందా ? ఇలాంటి సమస్య ఉన్నవారు Desensitizing టూత్ పేస్ట్ వాడటం ఉత్తమం.* చిగుర్లలో నొప్పిగా ఉండటం, అప్పుడప్పుడు రక్తం రావడం జరుగుతోందా ? అలాంటప్పుడు Anti-gingivitis కలిగి ఉండే టూత్ పేస్ట్ వాడాలి.అదే పరిష్కార మార్గం.

* పండ్లపాచితో కొందరు తీవ్ర ఇబ్బందిని ఎదుర్కొంటారు.ఇలాంటివారు Tartar-control టైప్ టూత్ పేస్ట్ ని ఆశ్రయించాలి.

ఇలాంటి పేస్టులు పాచిని, ఓరల్ బ్యాక్టీరియాని కంట్రోల్ చేస్తాయి.* ఇలాంటి సమస్యలు ఏమి లేకుండా, మీ దంతాలు తెల్లగా ఉండటం, బలంగా ఉండటమే మీకు కావాల్సింది అయితే, Whitening టూత్ పేస్టులు, మనం రెగ్యులర్ గా వాడే టూత్ పేస్టులు చాలు.

కాని ఏ టూత్ పేస్ట్ వాడినా, మీ డెంటిస్ట్ ని సంప్రదించే వాడాలి.