జనం మనసు జగన్ గెలుచుకున్నారా ? ఆ ధీమా కు కారణం  ?

రాజకీయ ప్రత్యర్థులు ఎన్ని విమర్శలు చేసినా, రాష్ట్రంలో అభివృద్ధి జరగడం లేదని, ప్రజలు అష్ట కష్టాలు పడుతున్నారని టీడీపీ, జనసేన, బిజెపి( TDP, Janasena, BJP ) లు ఎన్ని విమర్శలు చేస్తున్నా, జగన్ మాత్రం అవేమీ పట్టించుకోవడం లేదు.

జనం మనసు తాను గెలుచుకున్నానని, వైసిపి ప్రభుత్వం ద్వారా లబ్ధి పొందిన వారంతా మళ్లీ తమ పార్టీకి ఓటు వేసి 2024లో అధికారంలో కూర్చోబెడతారనే నమ్మకంతో జగన్( jagan ) ఉన్నారు.

ఆ ధీమాతో నే మన ప్రభుత్వంలో మీకు మంచి జరిగిందని నమ్మితేనే ఓట్లు వేయాలని ప్రజలకు ధైర్యంగా చెప్పగలుగుతున్నారు.దేశంలో ఎక్కడా అమలు కానీ పథకాలను ఏపీలో జగన్ ప్రవేశపెట్టి పెద్ద సంచలనమే సృష్టించారు.

నేరుగా ప్రభుత్వ సంక్షేమ పథకాలు జనాలకు అందే విధంగా వాలంటరీ వ్యవస్థను ఏర్పాటు చేసి ప్రభుత్వ పారదర్శకతను జగన్ నిరూపించుకున్నారు.గత ప్రభుత్వాలు కంటే తమ ప్రభుత్వం ఎంత భిన్నంగా పరిపాలన చేయగలిగిందో జగన్  తన పాలన ద్వారా నిరూపించారు.