టీ20ల్లో సరికొత్త రికార్డు సృష్టించిన తొలి భారత క్రికెటర్ గా దీప్తి శర్మ..!

భారత మహిళల జట్టు ఆల్ రౌండర్ దీప్తి శర్మ( Deepti Sharma ) టీ20 ల్లో సరికొత్త చరిత్ర సృష్టించింది.విరాట్ కోహ్లీ, రోహిత్ శర్మ లాంటి స్టార్ దిగ్గజాలకు సాధ్యం కానీ అరుదైన రికార్డును దీప్తి శర్మ సాధించి తన పేరిట లిఖించుకుంది.

టీ20ల్లో 1000 పరుగులు పూర్తి చేయడంతో పాటు 100 వికెట్లు తీసిన తొలి భారత క్రికెటర్ గా దీప్తి శర్మ సరికొత్త రికార్డు సృష్టించింది.భారత్ వర్సెస్ ఆస్ట్రేలియా( India vs Australia ) మహిళల జట్ల మధ్య జరుగుతున్న మూడు టీ20 మ్యాచ్ ల సిరీస్ లో భాగంగా ఆదివారం డివై పాటిల్ స్టేడియం వేదికగా జరిగిన రెండవ టీ20 మ్యాచ్ లో దీప్తి శర్మ ఈ ఘనత సాధించింది.

ఈ మ్యాచ్లో భారత్ టాప్ ఆర్డర్ ఘోరంగా విఫలం అయ్యి కష్టాల్లో పడ్డప్పుడు క్రీజులోకి వచ్చిన దీప్తి 30 పరుగులు చేసి జట్టుకు గౌరవప్రదమైన స్కోరు అందించింది.