క‌రోనా రివ్యూ: 2022లో చాప‌కింద నీరులా ఉంటూనే 2023లో తిరిగి విజృంభ‌ణ‌

2022వ‌ సంవత్సరం ప్రపంచ వ్యాప్తంగా కోవిడ్ సెకెండ్‌ వేవ్, కోవిడ్ థ‌ర్డ్‌ వేవ్‌తో ప్రారంభమైంది.ఇప్పుడు 2023లోకి అడుట్ట‌బోతున్న త‌రుణంలో చైనాలో క‌రోనా తిరిగి విజృంభిస్తోంది.

ల‌క్ష‌ల కేసులు న‌మోద‌వుతుండ‌గా, లెక్క‌కుమించినంత‌మంది క‌రోనాతో మృత్యువాత ప‌డుతున్నారు.క‌రోనా బాధితుల‌తో ఆసుత్రుల‌న్నీ నిండిపోయిన‌ట్లు స‌మాచారం.

ఇక ఆసుపత్రులలో స్థలం లేక‌పోవ‌డంతో జ‌నం మైదాన ప్రాంతాల్లో చికిత్స పొందుతున్నారనే వార్త‌లు వినిపిస్తున్నాయి.వీటి నేప‌ధ్యంలో 2022లో క‌రోనా ఏవిధంగా త‌న ప్ర‌తాపాన్ని చూపిందో ఒక్క‌సారి చూద్దాం.

1.జనవరి నుండి మార్చి 2022 వరకు

జనవరి నుండి మార్చి 2022 వరకు అమెరికా, ఫ్రాన్స్, భారతదేశంలో కొత్త కరోనా కేసులు వస్తూనే ఉన్నాయి.

ఈ సమయంలో డెల్టా వేరియంట్, ఓమిక్రాన్ వేరియంట్‌ల‌పై చాలా చర్చలు జరిగాయి.ప్రపంచవ్యాప్తంగా లాక్‌డౌన్ ముగుస్తున్న ఈ సమయంలో కేసుల సంఖ్య కొన్నిసార్లు తగ్గుముఖం పట్టి, కొన్నిసార్లు పెరుగుదల కనిపించింది.

2.ఏప్రిల్ నుండి జూన్ 2022 వరకు

ఏప్రిల్ రెండో వారంలో అకస్మాత్తుగా కరోనా కేసులు పెరుగుతున్నట్లు వార్తలు వచ్చాయి.

ఈ సమయంలో అమెరికా, ఆఫ్రికాలోని కొన్ని ప్రాంతాలలో కరోనా థ‌ర్డ్ వేవ్‌ గురించి చర్చ జరిగింది, ఇక్కడ జ‌నానికి టీకాలు వేయని కారణంగా ప్రజలలో ఓమిక్రాన్ వేరియంట్ వ్యాప్తి చెందింది.ఈ సమయంలో భారతదేశంలో కరోనా థ‌ర్డ్ వేవ్‌ వస్తుందనే వార్తలు వచ్చాయి.

కానీ అలాంటిదేమీ జరగలేదు.మహారాష్ట్ర, ఢిల్లీ వంటి భారీ జనాభా క‌లిగిన‌ నగరాల్లో అడపాదడపా ఓమిక్రాన్ కేసులు నమోదయ్యాయి.

3.జూలై నుండి నవంబర్ 2022 వరకు

ప్రపంచవ్యాప్తంగా కోవిడ్ గ్రాఫ్ తగ్గింది.జూలై నుండి నవంబర్ 2022 వరకు, కరోనా గ్రాఫ్ ప్ర‌పంచవ్యాప్తంగా పడిపోవడం ప్రారంభమైంది.

ప్రజలు పూర్తిగా వారి సాధారణ జీవితానికి తిరిగి వచ్చారు.ఈ సమయంలో ప్రజలు కరోనా వ్యాక్సిన్‌ను తీసుకున్నారు.4.డిసెంబర్ 2022లో చైనాలో కరోనా మరోసారి విధ్వంసం సృష్టిస్తోంది.

ఇప్పుడున్న పరిస్థితిలో రాబోయే 90 రోజుల్లో భూమిపైనున్న‌ జనాభాలో 10% మందికి కరోనా సోకుతుందని చెబుతున్నారు.ఇప్పుడు క‌రోనా విష‌యంలో చైనా పరిస్థితి చాలా ఘోరంగా త‌యార‌య్యింది.

కరోనా కార‌ణంగా ప్రతిరోజూ వేలాది మంది బాధితులు మరణిస్తున్నారు.రాబోయే రోజుల్లో అంటే 2023 సంవత్సరం ప్రారంభంలో ఈ గ్రాఫ్ మరింత దిగజారవచ్చ‌ని నిపుణులు స్ప‌ష్టం చేస్తున్నారు.