కాంగ్రెస్ పార్టీకే గ్యారెంటీ లేదు..: మంత్రి పువ్వాడ

అసెంబ్లీ ఎన్నికల ప్రచారం మరో రెండు రోజుల్లో ముగియనుండటంతో బీఆర్ఎస్ ప్రచారంలో దూకుడు పెంచింది.

ఈ క్రమంలోనే ఖమ్మం జిల్లాలో మంత్రి పువ్వాడ అజయ్ కుమార్ ఎన్నికల ప్రచారాన్ని హోరెత్తిస్తున్నారు.

ఈ మేరకు ఖమ్మంలోని 4, 5 మరియు 6వ డివిజన్లలో మంత్రి పువ్వాడ అజయ్ కుమార్ రోడ్ షో నిర్వహించారు.ఈ సందర్భంగా ఆయన మాట్లాడుతూ బీఆర్ఎస్ ప్రభుత్వం రాష్ట్రాన్ని అభివృద్ధి పథంలో తీసుకెళ్లడంతో పాటు ప్రజలకు అనేక సంక్షేమ పథకాలను అందించిందని తెలిపారు.

ఈ క్రమంలోనే రాష్ట్రంతో పాటు ఖమ్మం అభివృద్ధిలో మరింత ముందుకు పోవాలంటే తనను గెలిపించాలని కోరారు.అనంతరం కాంగ్రెస్ పై మంత్రి పువ్వాడ విమర్శలు చేశారు.

కాంగ్రెస్ పార్టీకే గ్యారెంటీ లేదని, అలాంటిది వాళ్లు ప్రజలకు ఏం గ్యారెంటీలు ఇస్తారని ఎద్దేవా చేశారు.