కాంగ్రెస్సే గెలవబోతోందా ? వీరి హడావుడి మామూలుగా లేదు 

తెలంగాణలో  కాంగ్రెస్ ( Telangana Congress )దశ తిరిగినట్లుగానే కనిపిస్తుంది.తెలంగాణ అసెంబ్లీ ఎన్నికల పోలింగ్ పూర్తి కావడంతో ఫలితాలపైనే ఉత్కంఠ నెలకొంది.

ఇప్పటికే అనేక సర్వే సంస్థలు, ఎగ్జిట్ పోల్స్ కాంగ్రెస్ గెలవబోతున్నట్లుగా హడావుడి చేస్తున్నాయి.  దీంతో తెలంగాణ కాంగ్రెస్ లో అధికారంలోకి వస్తున్నామనే ఉత్సాహం కనిపిస్తోంది.

ముఖ్యంగా తెలంగాణ కాంగ్రెస్ అధ్యక్షుడు రేవంత్ రెడ్డి ( Revanth Reddy )ఈనెల తొమ్మిదో తేదీన క్యాబినెట్ తొలి సమావేశం నిర్వహించబోతున్నామంటూ ప్రకటన కూడా చేసేసారు.అయితే బీఆర్ఎస్ కూడా అంతే స్థాయిలో గెలుపు ధీమాతో ఉంది.

ఎగ్జిట్ పోల్స్ ఫలితాలను ఎవరూ నమ్మ వద్దని, కచ్చితంగా బీఆర్ఎస్ అధికారంలోకి వస్తుందని మంత్రి కేటీఆర్( KTR ) వంటి వారు చెప్తున్నారు.ఇక ఐదు రాష్ట్రాల అసెంబ్లీ ఎన్నికల్లో బిజెపి ,కాంగ్రెస్ మధ్య పోటాపోటీగా పోరు నెలకొంది.

  అయితే తెలంగాణ లో మాత్రం బీఆర్ఎస్ కాంగ్రెస్ మధ్యనే ప్రధాన పోటి ఉండగా,  బిజెపి మూడో స్థానానికే  పరిమితం అయినట్లుగా పరిస్థితి ఉంది.