పార్టీలో కలహాలపై కాంగ్రెస్ అధిష్టానం ఫోకస్ .. ఆ వ్యాఖ్యలపై హెచ్చరిక 

దేశవ్యాప్తంగా బిజెపికి వ్యతిరేకత పెరుగుతోందని, అదే సమయంలో కాంగ్రెస్( Congress ) కేంద్రంలో అధికారంలోకి వచ్చేందుకు అవకాశాలు ఎక్కువ ఉన్నాయని కాంగ్రెస్ అధిష్ఠానం పెద్దలు భావిస్తున్నారు.

ఒక్కో రాష్ట్రంలో కాంగ్రెస్ విజయం సాధిస్తుండడం బిజెపి వ్యతిరేక పార్టీలన్నీ తమ ఇండియా కూటమిలో( India Alliance ) ఉండడంతో వచ్చే ఎన్నికల్లో గెలుపు పై కాంగ్రెస్ అధిష్టానం నమ్మకంతో ఉంది .

అదే సమయంలో పార్టీలోనే అంతర్గత కలహాలు కారణంగా , గెలిచే అవకాశం ఉన్నచోట కూడా ఓటమి ఎదుర్కోవాల్సి వస్తోందని,  ఈ పరిస్థితులను చక్కదిద్దాలని కాంగ్రెస్ అధిష్టానం డిసైడ్ అయింది.ఈ మేరకు అన్ని రాష్ట్రాల పార్టీ నేతలకు దిశ నిర్దేశం చేసింది.

ముఖ్యంగా మహారాష్ట్ర,  ఝార్ఖండ్ లలో అంతర్గత కలహాలు కారణంగా ఏర్పడిన ఇబ్బందులను దృష్టిలో పెట్టుకుని వారికి దిశా నిర్దేశం చేసింది.