BRS MP Candidates : బీఆర్ఎస్ ఎంపీ అభ్యర్థుల పూర్తి జాబితా ఇదే 

తెలంగాణ అసెంబ్లీ ఎన్నికల్లో ఓటమి చెందిన బీఆర్ఎస్( BRS ) ఆ ఓటమి  నుంచి తేరుకుని  త్వరలో జరగబోయే లోక్ సభ ఎన్నికలకు( Lok Sabha Elections ) సిద్ధం అవుతుంది.

తెలంగాణలో మొత్తం 17 లోక్ సభ స్థానాలు ఉండగా , ఇప్పటికే 16 స్థానాలకు అభ్యర్థులను ప్రకటించింది.

  హైదరాబాద్ అభ్యర్థి ప్రకటనతో పూర్తిస్థాయిలో బీఆర్ఎస్ ఎంపీ అభ్యర్థుల జాబితా విడుదలైనట్లే.అభ్యర్థుల విషయం లో బీఆర్ఎస్ అధినేత కేసిఆర్ చాలా జాగ్రత్తలే తీసుకున్నారు.

రాజకీయ, సామాజిక సమీకరణాలన్నిటిని లెక్కల్లో తీసుకుని ప్రజల్లో బలమున్న నాయకులకు టిక్కెట్లు కేటాయించారు.అలాగే బిజెపి, కాంగ్రెస్ లకు దీటైన అభ్యర్థులను రంగంలోకి దించారు.

దీని ద్వారా మెజారిటీ స్థానాలను దక్కించుకునేందుకు అవకాశం ఏర్పడుతుందని కేసీఆర్( KCR ) భావిస్తున్నారు.తెలంగాణలో కాంగ్రెస్ గెలిచిన తర్వాత  ఆ పార్టీ నిజస్వరూపం ఏమిటో ప్రజలకు అర్థమైందని, అందుకే మళ్ళీ బీఆర్ఎస్ అధికారంలోకి రావాలని కోరుకుంటున్నారని ,త్వరలో జరగబోయే లోక్ సభ ఎన్నికల్లో ఆ ప్రభావం కనిపిస్తుందని బీఆర్ఎస్ అగ్ర నేతలు పదేపదే ప్రకటనలు చేస్తున్నారు.