ఇక వార్ వన్ సైడ్‌ అయినట్లేనా.. వాల్తేరు వీరయ్య కుమ్ముకోవడమే!

ఈ సంక్రాంతి కి నందమూరి బాలకృష్ణ మరియు మెగాస్టార్ చిరంజీవి లు బాక్సాఫీస్ వద్ద పోటీ పడబోతున్నారంటూ గత రెండు మూడు నెలలుగా అభిమానులు ఎంతో ఆసక్తిగా ఎదురు చూసిన విషయం తెలిసిందే.

నేడు సంక్రాంతి పోరులో భాగంగా నందమూరి బాలకృష్ణ నటించిన వీర సింహా రెడ్డి సినిమా ప్రేక్షకుల ముందుకు వచ్చింది.

అభిమానులకు పరవాలేదు అనిపించినా కూడా సాధారణ ప్రేక్షకులు ఈ సినిమా ను పెద్దగా రుచించడం లేదు.రేటింగ్స్ కూడా తక్కువగానే వచ్చాయి.

దాంతో వీర సింహా రెడ్డి సినిమా యొక్క రెండవ రోజు కలెక్షన్స్ దారుణంగా పడిపోయే అవకాశం ఉందని టాక్‌ వినిపిస్తుంది.ఇక రేపు మెగా స్టార్ చిరంజీవి నటించిన వాల్తేరు వీరయ్య సినిమా ప్రేక్షకుల ముందుకు రాబోతున్న విషయం తెలిసిందే.

వీర సింహా రెడ్డి సినిమా కి నెగెటివ్ టాక్ వచ్చిన కారణంగా వాల్తేరు వీరయ్య సినిమా కు పాజిటివ్ టాక్ వస్తే ఈజీగా 100 కోట్ల కలెక్షన్స్ నమోదు చేసే అవకాశం ఉందని బాక్సాఫీస్ వర్గాల వారు మాట్లాడుకుంటున్నారు.