గోదావరి జిల్లాల్లో వైసీపీ ఇంచార్జీల మార్పు ! ఎవరెక్కడో తేలేది నేడే ? 

వచ్చే ఎన్నికల్లో వైసీపీ( ycp ) తరపున పోటీ చేయబోయే అభ్యర్థుల జాబుతాను విడతల వారీగా విడుదల చేసేందుకు ఆ పార్టీ అధినేత ఏపీ సీఎం జగన్( AP CM Jagan ) నిర్ణయించుకున్నారు.

ప్రస్తుత సిట్టింగ్ ఎమ్మెల్యేలలో దాదాపు 90% మందిని మార్చే ఆలోచనతో ఉన్నారు.

ఇప్పటికే 11 నియోజకవర్గాలకు ఇన్చార్జిలను ప్రకటించారు.జిల్లాల వారీగా రెండో జాబితాను విడుదల చేసినందుకు కసరత్తు చేస్తున్నారు .ఇప్పటికే టికెట్ దక్కి అవకాశం లేదనుకున్న ఎమ్మెల్యేలు, నియోజకవర్గ ఇన్చార్జీలను తాడేపల్లి క్యాంప్ కార్యాలయానికి పిలిపించుకుని జగన్ వారికి ఈ విషయాన్ని చెబుతున్నారు.దీంతో క్యాంపు కార్యాలయం వద్ద హడావుడి నెలకొంది.

టికెట్ పై టెన్షన్ గా ఉన్న నేతలు జగన్ కలిసేందుకు క్యూ కట్టేస్తున్నారు.జగన్ నుంచి పిలుపు అందుకున్న వారు, అవకాశం కోసం ఎదురుచూస్తున్న వారు , ఇలా అంతా తాడేపల్లి లో వాలిపోతున్నారు.

ఇది ఇలా ఉంటే వైసీపీకి 2019 ఎన్నికల్లో అండగా నిలిచిన ఉభయగోదావరి జిల్లాల్లో ఏఏ నియోజకవర్గాల్లో మార్పు చేర్పులు చేస్తారనేది ఆసక్తికరంగా మారింది .