లాస్ ఏంజిల్స్‌లో గొడవ.. లేడీ బస్సు డ్రైవర్‌పై భౌతిక దాడి..

లాస్ ఏంజిల్స్‌లోని( Los Angeles ) దక్షిణ ప్రాంతంలో ఓ బస్సు డ్రైవర్, ప్రయాణికురాలి మధ్య జరిగిన ఘర్షణ వీడియో ఇప్పుడు సోషల్ మీడియాలో చక్కర్లు కొడుతోంది.

టికెట్ డబ్బుల విషయంలో వాదన మొదలై ఈ ఘర్షణకు దారి తీసిందని తెలుస్తోంది.

ఆ వీడియోలో ప్రయాణికురాలు బలవంతంగా డ్రైవర్‌ను సీటు నుంచి బయటకు లాగి దాడి చేస్తోంది.దానికి బదులుగా, డ్రైవర్ తన కాళ్లతో ఆమెను తన్నేసి ప్రతిఘటించడం కూడా కనిపిస్తోంది.

ఈ వీడియో చివరి వరకు ఈ ఘర్షణ కొనసాగుతోంది.ఫాక్స్ న్యూస్ ఇన్‌స్టాగ్రామ్‌లో ఈ వీడియో షేర్ చేయగా, చాలా మంది దీనిని చూసి షాక్‌ అయ్యారు.

డ్రైవర్ గట్టిగా "నా దగ్గర నుంచి దూరంగా ఉండు!" అని అరుస్తున్న శబ్దం కూడా వీడియోలో ఉంది.దాడి జరిగినా, డ్రైవర్ తన కాళ్లతో ఆమెను తన్ని, బస్సు నుంచి దించేందుకు ప్రయత్నించింది.