ప్రవాస భారతీయులకు షాకిచ్చిన బడ్జెట్ .. ఎన్ఆర్ఐ పన్ను విధానం కఠినతరం

2025-26 ఆర్ధిక సంవత్సరానికి గాను కేంద్ర బడ్జెట్‌‌ను ఆర్ధిక మంత్రి నిర్మలా సీతారామన్( FM Nirmala Sitharaman ) శనివారం లోక్‌సభలో ప్రవేశపెట్టిన సంగతి తెలిసిందే.వేతన జీవులకు భారీ ఊరట కలిగించేలా ఆమె తీసుకొచ్చిన పలు సంస్కరణలు ప్రశంసల వర్షం కురిపిస్తున్నాయి.

ఆదాయపు పన్ను శ్లాబులను( Income Tax Slabs ) సవరించడం, రూ.12 లక్షల వరకు వార్షికాదాయం ఉన్న వారికి రిబేట్ వంటి వాటిపై ప్రస్తుతం చర్చ జరుగుతోంది.అయితే కేంద్ర బడ్జెట్‌పై ఎన్నో ఆశలు పెట్టుకున్న ప్రవాస భారతీయులకు( NRIs ) మాత్రం నిర్మల నిర్ణయాలు షాకిచ్చాయి.

ముఖ్యంగా విదేశాల్లోని విద్యార్ధులు, యువ నిపుణులకు మరింత కఠినమైన పన్ను విధానం అమల్లోకి రానుంది.అంతర్జాతీయ పన్ను నిబంధనలతో ఎన్ఆర్ఐలకు పరిస్ధితి సంక్లిష్టంగా మారనుంది.