ఒకే సారు అంటూనే ... 'కారు ' దిగేందుకు ఆ ఎమ్మెల్యేల స్కెచ్ ? 

కేసిఆర్ నిర్వహిస్తున్న సమావేశానికి హాజరవుతూనే తాము బీఆర్ఎస్ లోనే కొనసాగుతామని చెబుతూ , మరోవైపు కాంగ్రెస్ లో చేరేందుకు ఏర్పాట్లు చేసుకోవడం రాజకీయంగా ఆసక్తి రేపుతోంది.బీఆర్ఎస్ఎల్పీ విలీనంపై కాంగ్రెస్ కసరత్తు చేస్తుండడంతో , కెసిఆర్ సైతం అలర్ట్ అయ్యారు.ఎవరూ తొందరపడి పార్టీని వీడొద్దని కెసిఆర్ చెబుతున్న మాటలకు అంగీకారం తెలుపుతూనే,  మరోవైపు కాంగ్రెస్ లో చేరేందుకు ప్రయత్నాలు చేస్తున్నారు.

మంగళవారం నిర్వహించిన సమావేశానికి మల్కాజ్ గిరి ఎమ్మెల్యే మర్రి రాజశేఖర్ రెడ్డి , మేడ్చల్ ఎమ్మెల్యే మల్లారెడ్డి , ఎల్బీనగర్ ఎమ్మెల్యే సుధీర్ రెడ్డి , జనగాం ఎమ్మెల్యే పల్లా రాజేశ్వర్ రెడ్డి లు బుధవారం కేసీఆర్ నిర్వహించిన సమావేశానికి హాజరయ్యారు .మల్లారెడ్డి , మర్రి రాజశేఖర్ రెడ్డి,  సుధీర్ రెడ్డిలు కెసిఆర్ తో సమావేశానికి హాజరైనా కాంగ్రెస్ లో చేరేందుకు ఏర్పాట్లు చేసుకుంటున్నారట.