కాంగ్రెస్ లో చేరిన మిగతా ఎమ్మెల్యేలపైనా బీఆర్ఎస్ మైండ్ గేమ్ 

బీఆర్ఎస్( BRS ) నుంచి గెలిచి కాంగ్రెస్ లో చేరిన గద్వాల ఎమ్మెల్యే కృష్ణ మోహన్ రెడ్డి( MLA Krishna Mohan Reddy ) మళ్ళీ బీఆర్ఎస్ లో చేరడంతో ఈ వ్యవహారం తెలంగాణ రాజకీయాల్లో హాట్ టాపిక్ గా మారింది.

దీంతో బీఆర్ఎస్ నుంచి గెలిచి కాంగ్రెస్ లో చేరిన మిగతా ఎమ్మెల్యేల పైన బీఆర్ఎస్ మైండ్ గేమ్ ప్రారంభించింది.

పార్టీని వీడి వెళ్లిన వారంతా తిరిగి వెనక్కి రాబోతున్నారంటూ ప్రచారం మొదలు పట్టింది .ఈ మేరకు బీఆర్ఎస్ సోషల్ మీడియా వ్యూహాత్మకంగా వ్యవహరిస్తోంది.రకరకాల కారణాలతో బీఆర్ఎస్ నుంచి కాంగ్రెస్ లో చేరిన ఎమ్మెల్యేలు ఆ పార్టీలో ఇమడలేకపోతున్నారని,  మళ్ళీ వెనక్కి వచ్చేందుకు ప్రయత్నిస్తున్నారని , ఈ మేరకు సంప్రదింపులు చేస్తున్నారనే ప్రచారాన్ని ఒకవైపు చేస్తూనే, మరోవైపు అనే రాజకీయ వ్యూహాల్లో నిమగ్నం అయ్యారు .భద్రాచలం ఎమ్మెల్యే తెల్లం వెంకట్రావుని( MLA Tellam Venkatravuni ) టీ తాగేందుకు పిలిచిన బీఆర్ఎస్ ఎమ్మెల్యేలు ఆయనతో ఉన్న ఫోటోను బయటకు పంపించారు.  దీంతో ఆయన కూడా మళ్లీ కాంగ్రెస్ ను విడి బీఆర్ఎస్ లో చేరబోతున్నారనే ప్రచారం మొదలైంది.