ఏపీలో బీజేపీ ఇక ఒంటరే ! పొత్తు రద్దు దిశగా జనసేన?

ఏపీలో ఒకవైపు బిజెపితో పొత్తు కొనసాగిస్తూనే టీడీపీతో జనసేన పార్టీ పొత్తు పెట్టుకుంది.

అధికారికంగా బిజెపితో పొత్తు ఉన్నా, ఏ విషయంలోనూ జనసేన ,బిజెపి( Janasena, BJP )లు ఉమ్మడి కార్యాచరణను రూపొందించుకుని ముందుకు వెళ్లకపోవడం, అసలు రెండు పార్టీల మధ్య పొత్తు ఉందా లేదా అన్నట్లుగా వ్యవహారం ఉండడం , ఏపీ బీజేపీ నేతలు ఎవరు జనసేనకు తగిన ప్రాధాన్యం ఇవ్వకపోవడం వంటివన్నీ చాలా కాలంగా జనసేన అధినేత పవన్ కళ్యాణ్ కు ఆగ్రహం కలిగిస్తూనే ఉన్నాయి.

అయితే ఒకవైపు బిజెపితో పొత్తు కొనసాగుతున్నా,  ఆ పార్టీని సంప్రదించకుండానే టిడిపి తో పొత్తు పెట్టుకున్నట్లు జనసేన అధినేత పవన్ కళ్యాణ్ ప్రకటించారు.ప్రస్తుతం తెలంగాణ ఎన్నికలు ముగియడం తో ఏపీ ఎన్నికలపైనే ప్రత్యేకంగా ఫోకస్ పెట్టిన పవన్ కళ్యాణ్ బిజెపి విషయంలో ఒక క్లారిటీకి రావాలని నిర్ణయించుకున్నారు.