ఢిల్లీ సీఎంగా అతిషి ? కేజ్రీవాల్ వ్యూహం వెనుక ?

ఢిల్లీ ముఖ్యమంత్రిగా ఉన్న అరవింద్ కేజ్రీవాల్( Arvind Kejriwal ) తన పదవికి రాజీనామా చేస్తానని నిన్న ప్రకటన చేశారు.

రెండు రోజుల తర్వాత రాజీనామా చేయబోతున్నట్లుగా ఆయన ప్రకటించడంతో పాటు,  ఢిల్లీలో ముందస్తు ఎన్నికలు నిర్వహించాల్సిందిగా డిమాండ్ చేస్తున్నారు.

 తనను అక్రమంగా అరెస్టు చేశారని,  ప్రజలు తన నిజాయితీకి సర్టిఫికెట్ ఇచ్చేంతవరకు తాను ముఖ్యమంత్రి పీఠంపై కూర్చునేది లేదని కేజ్రీవాల్ ప్రకటించారు .ఆయన ప్రకటన నేపథ్యంలో ఢిల్లీ ముఖ్యమంత్రిగా ఎవరు బాధ్యతలు స్వీకరిస్తారు అనేది అందరికీ ఆసక్తికరంగా మారింది.అయితే ఆమ్ ఆద్మీ పార్టీ , ప్రభుత్వంలో కీలక నేతగా గుర్తింపు పొందిన మంత్రి అతిషి పేరు ప్రస్తావనకు వస్తోంది.

ఆమ్ ఆద్మీ  ప్రభుత్వంలో విద్యాశాఖ మంత్రిగా అతిషి కీలక బాధ్యతలు నిర్వహిస్తున్నారు.సీఎం అరవింద్ కేజ్రీవాల్,  మనీష్ సిసోడియా వంటివారు జైలులో ఉన్నప్పుడు ఆతిషి పార్టీ లోను , ప్రభుత్వంలోనూ కీలకంగా వ్యవహరించారు./br>