ఏపీ బీజేపీ లో ఆ నేతలు గప్ చిప్ .. సైడ్ అయినట్టేనా ? 

ఏపీ బీజేపీ( AP BJP )లో ఆసక్తి పరిణామాలు చోటుచేసుకున్నాయి .

పార్టీలో సీనియర్ నేతలుగా గుర్తింపు పొందిన వారు యాక్టివ్ గా బీజేపీ కార్యక్రమాల్లో పాల్గొంటూ, పార్టీని బలోపేతం చేస్తూ వచ్చిన నాయకులంతా ఇప్పుడు పూర్తిగా సైడ్ అయిపోయినట్టుగానే కనిపిస్తున్నారు.

సార్వత్రిక ఎన్నికల్లో టిడిపి, జనసేన, బిజెపిలు పొత్తు పెట్టుకున్నాయి.అయితే ఈ పొత్తు విషయంలో సీనియర్ నేతలు కొంతమంది అసంతృప్తితోనే ఉంటూ వచ్చారు.

అయితే అది అధిష్టానం తీసుకున్న నిర్ణయం కావడంతో, దానిని వ్యతిరేకించలేక, అలా అని టిడిపి తో కలిసి పని చేయలేక ఎన్నికల సమయంలోనూ తూతూ మంత్రంగానే ఎన్నికల ప్రచారంలో పాల్గొన్నారు.దీంతో అప్పటి నుచి వీరి వ్యవహారాలపై బీజేపీ అధిష్టానం ఆరా తీస్తూనే ఉంది.

మొదటి నుంచి బిజెపిలో ఉంటూ ఆర్ఎస్ఎస్ భావజాలంతో ఉన్న నేతలు ఈ విధంగా సైలెంట్ కావడం పార్టీలో చర్చనీయాంశంగా మారింది.