తెలంగాణ పార్టీలే నయమా ? ఏపీ ' రాజకీయం ' విసుగెత్తిందా ? 

ఈ విషయంలో వైసిపి,  టిడిపి, జనసేన మూడు  కేంద్ర అధికార పార్టీని ఈ విషయంలో నిలదీసే ప్రయత్నం చేయడం లేదనే ఆగ్రహం వారిలో కనిపిస్తోంది.మొదట్లో దీనిపై మూడు పార్టీలు కాస్త హడావుడి చేసినా, కేంద్రంపై ఒత్తిడి చేసే విషయంలో ఎవరికి వారు మౌనంగా ఉండిపోయారు.ఈ విషయాన్ని గ్రహించిన విశాఖ స్టీల్ ప్లాంట్ కార్మికులు ఈ మూడు పార్టీలతో ఇక లాభం లేదని భావించి తెలంగాణ అధికార పార్టీ బీ ఆర్ ఎస్, అక్కడే ప్రధాన ప్రతిపక్షం కాంగ్రెస్ లను సంప్రదించి స్టీల్ ప్లాంట్ ప్రైవేటీకరణ కాకుండా అడ్డుకోవాలని విజ్ఞప్తి చేశారు.

స్టీల్ ప్లాంట్ కార్మికుల విజ్ఞప్తి స్పందించిన బీఆర్ఎస్ కీలక నేత, మంత్రి కేటీఆర్( Minister KTR ) విశాఖ స్టీల్ ప్లాంట్ ను ప్రైవేటీకరించవద్దు అంటూ,  కేంద్ర ప్రభుత్వానికి ఘాటుగా లేఖ రాశారు.ఇక తెలంగాణ కాంగ్రెస్ అధ్యక్షుడు రేవంత్ రెడ్డి( Revanth Reddy ) ని కలిసిన స్టీల్ ప్లాంట్ కార్మికులు స్టీల్ ప్లాంట్ ప్రైవేటీకరణ కాకుండా అడ్డుకోవాలని,  పార్లమెంటులో తమ సమస్యను ప్రస్తావించాలంటూ కోరారు.