పవన్ కళ్యాణ్ వకీల్ సాబ్ సినిమాని వరించిన మరో అవార్డు!

పవర్ స్టార్ పవన్ కళ్యాణ్ రీ ఎంట్రీ తర్వాత డైరెక్టర్ వేణు శ్రీరామ్ దర్శకత్వంలో, దిల్ రాజు, బోనికపూర్ సంయుక్తంగా నిర్మించిన చిత్రం వకీల్ సాబ్.

ఈ సినిమా హిందీ పింక్ చిత్రానికి రీమేక్ చిత్రంగా తెరకెక్కింది.

పవన్ కళ్యాణ్ రీ ఎంట్రీ తర్వాత విడుదలైన ఈ సినిమా బాక్సాఫీస్ వద్ద అద్భుతమైన విజయాన్ని అందుకుంది.ఇక ఈ సినిమా థియేటర్ లో మంచి విజయాన్ని అందుకోవడమే కాకుండా అమెజాన్ ప్రైమ్ లో కూడా ఎంతో మంచి ఆదరణ దక్కించుకుంది.

ఇలా థియేటర్లలోనూ డిజిటల్ ప్లాట్ ఫామ్ లో కూడా మంచి ఆదరణ దక్కించుకున్న ఈ సినిమా శాటిలైట్ హక్కులను జీతెలుగు కొనుగోలు చేశారు.ఈ సినిమా జీ తెలుగులో మొదటిసారిగా ప్రసారమయి ఏకంగా 19.12 సాలిడ్ రేటింగ్ ను సొంతం చేసుకుంది ఇలా ఈ స్థాయిలో రేటింగ్ రాబట్టడం అంటే మాటలు కాదు.పవన్ కళ్యాణ్ కెరియర్ లోనే వన్ ఆఫ్ ది హైయెస్ట్ బెస్ట్ రేటింగ్ సినిమాగా వకీల్ సాబ్ రికార్డు దక్కించుకుంది.

ఈ విధంగా గత ఏడాది ఏప్రిల్ 14వ తేదీ థియేటర్ లో విడుదలైన ఈ సినిమా కరోనా కారణం వల్ల కేవలం 15 రోజుల పాటు మాత్రమే థియేటర్లో ప్రసారమైంది.ఈ విధంగా థియేటర్ లో ఈ సినిమాని చూడలేని వారు టీవీలో చూసి ఆనందించారు.

కేవలం థియేటర్లలో 15 రోజుల పాటు ప్రదర్శితమైన ఈ సినిమా కలెక్షన్ల పరంగా బాక్సాఫీస్ వద్ద అద్భుతమైన రికార్డులను సృష్టించింది.ఈ విధంగా బాక్సాఫీస్ వద్ద పలు రికార్డులను సృష్టించిన ఈ సినిమాకు తాజాగా మరో అరుదైన గౌరవం దక్కింది.ఈ చిత్రం తాజాగా ఓ అవార్డుని గెలుచుకుంది.

వకీల్ సాబ్ వరల్డ్ టెలివిజన్ ప్రీమియర్‌కు చేసిన మార్కెటింగ్ క్యాంపెయిన్ కి ఇండియన్ మార్కెటింగ్ అవార్డ్స్‌లో భాగంగా జీ తెలుగు ఉత్తమ అనుభవపూర్వక మార్కెటింగ్ కేటగిరిలో ఈ సినిమా బ్రోన్జ్ అవార్డ్‌ని గెలుచుకుంది.ఇక ఈ విషయాన్ని జీతెలుగు అధికారక సోషల్ మీడియా ఖాతా ద్వారా వెల్లడించారు.