రూ.20వేల విలువైన హెడ్‌ఫోన్స్‌ ఆర్డర్ పెడితే.. అమెజాన్ ఏం పంపిందో తెలుసా..

ఆన్‌లైన్‌లో విలువైన ప్రొడక్ట్స్‌ ఆర్డర్ పెడితే చవకైన సబ్బులు, ఇటుక పెళ్ళలు, రాళ్లు, లేదా డూప్లికేట్ ప్రొడక్ట్స్ రావడం సర్వసాధారణం.

బాగా పేరున్న అమెజాన్, ఫ్లిప్‌కార్ట్ సంస్థలలో కూడా ఈ తరహా చేదు అనుభవాలు, ఆన్‌లైన్ స్కామ్‌లు( Online Scams ) కస్టమర్లకు ఎదురవుతుంటాయి.

తాజాగా ఇలాంటి షాకింగ్ అనుభవం యష్ ఓజా అనే అమెజాన్ కస్టమర్‌కి ఎదురయ్యింది.అతను ఇటీవల సోనీ XB910N వైర్‌లెస్ హెడ్‌ఫోన్లను( Sony XB910N Wireless Headphones ) ఆర్డర్ చేశాడు.

అయితే దానికి బదులుగా టూత్‌పేస్ట్ ట్యూబ్‌ను అందుకున్నాడు.ప్యాకేజీ వెలుపల బాగానే కనిపించింది కానీ అది ఓపెన్ చేసి చూస్తే అందులో టూత్‌పేస్ట్( Tooth Paste ) మాత్రమే ఉంది.

మిగతా బాక్స్ అంతా చెక్ చేయగా సోనీ బ్రాండింగ్, డాక్యుమెంట్స్‌ కనిపించాయి.కానీ హెడ్‌ఫోన్స్‌ మాత్రం ఎక్కడా కనిపించలేదు.

దాంతో కస్టమర్ యష్( Yash ) గుండెలదిరాయి.ఆ స్కామ్‌ను నిరూపించడానికి కస్టమర్ అన్‌బాక్సింగ్ వీడియోను కూడా సోషల్ మీడియా ప్లాట్‌ఫామ్ ఎక్స్‌లో పంచుకున్నారు.