Akreet Pran Jaswal : 10 నెలలకే మాటలు.. ఏడేళ్లకే సర్జన్.. ఈ బుడ్డోడి సక్సెస్ స్టోరీ వింటే హ్యాట్సాఫ్ అనాల్సిందే!

చిన్న పిల్లలు ఏం చేసినా తల్లీదండ్రుల సంతోషానికి అవధులు ఉండవు.

ఈ జనరేషన్ లో చాలామంది పిల్లలు తమ టాలెంట్ తో ఒక్కో మెట్టు ఎదుగుతూ కెరీర్ పరంగా సక్సెస్ సాధిస్తున్నారు.

అయితే ఒక బుడ్డోడు మాత్రం తన అసాధారణ ప్రతిభతో అందరినీ ఆశ్చర్యానికి గురి చేస్తున్నాడు.ఆ బుడ్డోడి పేరు అక్రీత్ ప్రాణ్ జస్వాల్( Akreet Pran Jaswal ) కాగా 10 నెలల వయస్సులోనే నడవడం, మాట్లాడటం చేసిన ఈ బుడ్డోడు రెండేళ్ల వయస్సు వచ్చే సమయానికి చదవడం, మాట్లాడటం నేర్చుకున్నాడు.

అక్రిత్ ప్రతిభను గుర్తించిన పేరెంట్స్ అతడిని ఆ దిశగా ప్రోత్సహించడం జరిగింది.ఐదేళ్ల వయస్సులోనే అక్రీత్ ప్రాణ్ జస్వాల్ ఇంగ్లీష్ క్లాసిక్స్ చదవడంతో పాటు సైన్స్, మ్యాథ్స్ సబ్జెక్ట్ లు చదవడంపై కూడా ఆసక్తి చూపేవాడు.

ఏడేళ్ల వయస్సు ఉన్న సమయంలోనే అక్రీత్ ప్రాణ్ జస్వాల్ ఎనిమిది సంవత్సరాల బాలుడి కాలిన చేతులకు ఆపరేషన్ చేయడం ద్వారా వార్తల్లో నిలిచాడు.