ఎవరి సొమ్మని కోట్లు కాజేస్తున్నారు.. ఇన్నాళ్లు చూస్తూ ఊరుకుని తప్పు చేశా

తెలుగు మూవీ ఆర్టిస్టు అసోషియేషన్‌లో విభేదాలు పతాక స్థాయికి చేరుకున్నాయి.

మా అధ్యక్షుడు శివాజీ రాజా మరియు ఉపాధ్యక్షుడు శ్రీకాంత్‌లు అవినీతికి పాల్పడుతున్నట్లుగా ఒక దిన పత్రికలో కథనాలు వచ్చిన కారణంగా పెద్ద ఎత్తున విమర్శలు వచ్చిన విషయం తెల్సిందే.

దాంతో శివాజీ రాజా మరియు శ్రీకాంత్‌లు ప్రెస్‌మీట్‌ నిర్వహించి తమ తప్పు లేదు అంటూ క్లారిటీ ఇచ్చే ప్రయత్నం చేశారు.ఆ వెంటనే మా జనరల్‌ సెకట్రీ అయిన నరేష్‌ మీడియా సమావేశం ఏర్పాటు చేసి మా లో అవినీతి నిజమే అంటూ కుండబద్దలు కొట్టేశాడు.

మా సిల్వర్‌ జూబ్లీ వేడుకల కోసం ప్రముఖులతో కార్యక్రమాలు చేయించాలని నిర్ణయించారు.అందుకోసం చిరంజీవి ముఖ్య అతిథిగా మొదటి కార్యక్రమం అమెరికాలో నిర్వహించతలపెట్టారు.

చిరంజీవి కార్యక్రమం కోసం మొదట రెండు కోట్లు ఇస్తామన్న నిర్వాహకులు ఆ తర్వాత కోటి రూపాయలు మాత్రమే ఇచ్చారు.ఆ మిగిలిన డబ్బు శివాజీ రాజా వర్గంకు చేరిందనే అనుమానాలు వ్యక్తం అవుతున్నాయి.

ఇక శివాజీ రాజాతో పాటు అమెరికాకు వెళ్లిన పలువురు మా సభ్యులు విమానంలో బిజినెస్‌ క్లాస్‌లో వెళ్లడం జరిగింది.ఒక్కో టికెట్‌ 3 లక్షల ఖర్చు పెట్టి బిజినెస్‌ క్లాస్‌లో వెళ్లవల్సిన అవసరం ఏంటని నరేష్‌ ప్రశ్నించాడు.