యూఎస్: ఒకే తేదీలో నలుగురు అమ్మాయిలకు జన్మనిచ్చిన తల్లి.. అదెలా సాధ్యం?

సాధారణంగా ఇద్దరు పిల్లలను ఒకే తేదీలో కనడం చాలామందికి కుదరని పని కానీ సౌత్ కరోలినాకు చెందిన 35 ఏళ్ల క్రిస్టెన్ లామర్ట్‌కి( Kristen Lammert ) మాత్రం నలుగురు కూతుళ్లు సేమ్ డే, సేమ్ మంత్ పుట్టారు.

వీరందరి పుట్టిన రోజు ఒకటే అనేది చాలా విచిత్రమైన విషయం కదా.

ఆమె నాల్గవ కూతురు వాలెంటీనా( Valentina ) ఆగస్టు 25న పుట్టింది.ఆమె మిగతా కూతుళ్లు సోఫియా (9), గియులియానా (6), మియా (3) కూడా ఆగస్టు 25నే పుట్టారు.

వీరెవరూ కవలలు కాదు.క్రిస్టెన్ ఇది చాలా అద్భుతమైన ఘటన అంటున్నారు.

ఆమె కుక్క పుట్టిన రోజు కూడా ఆగస్టు 25నేనని, ఆ తర్వాత 10 సంవత్సరాలకు ఆమె మొదటి కూతురు సోఫియా పుట్టిందని చెప్పారు.ఆమె కూతుళ్లందరూ అనుకున్నదానికంటే ముందే పుట్టారు.

క్రిస్టెన్ ఈ విషయాన్ని వివరించడం కష్టంగా ఉందని, ఇది ఇంకా ఆశ్చర్యకరంగా ఉందని భావిస్తున్నారు.ఇలా జరగడానికి అవకాశం బిలియన్‌లో ఒకటి ఉంటుందని ఆమె నమ్ముతున్నారు.

డాక్టర్ మేగాన్ గ్రే ఇంటర్వ్యూలో ఈ పరిస్థితి చాలా అరుదు అని చెప్పారు.పిల్లలు ఒకే రోజు పుట్టాలని ప్రణాళిక వేసుకున్నా కూడా అది చాలా కష్టమవుతుందని ఆమె వివరించారు.

క్రిస్టెన్ తన పిల్లలందరినీ ప్రణాళిక లేకుండా, సంవత్సరాల తేడాతో, ఒకే రోజు సహజంగా పుట్టించడం డాక్టర్ గ్రేకి ఆశ్చర్యం కలిగించింది.