కళ్లెదుట సింహం ఉన్నా భయపడని వ్యక్తి.. కంటి చూపుతో భయపెట్టేశాడు

అడవి గుండా వెళ్లే రహదారిపై అడవి జంతువులు( wild animals ) అప్పుడప్పుడు మనుషులకు కనిపిస్తుంటాయి.మనుషులకు అత్యంత సమీపంలో నుంచి అవి వెళ్తుంటాయి.ఇదే కోవలో ఓ వ్యక్తి సఫారీ టూర్‌కి వెళ్లాడు.

జీపుపై కూర్చుని అక్కడ కనిపించిన దృశ్యాలను ఫొటోలు తీయసాగాడు.ఇంతలో ఓ భారీ సింహం అతడి సమీపంలోకి వచ్చింది.

మరింత ముందుకు వచ్చి అతడి వైపు చూసింది.అయితే ఆ ఫొటోగ్రాఫర్ ఏ మాత్రం భయపడలేదు.

ఆ సింహం కళ్లల్లోకి కళ్లు పెట్టి తీక్షణంగా చూశాడు.ఆశ్చర్యకరంగా ఆ సింహం అతడిపై దాడి చేయలేదు.

ఒక గాండ్రింపు తర్వాత అక్కడ నుంచి నిదానంగా వెళ్లిపోయింది.ఈ వీడియోను latestkruger అనే ఇన్‌స్టాగ్రామ్ ఖాతాలో పోస్ట్ చేయగా, విపరీతంగా వైరల్ అవుతోంది.

దీనికి నెటిజన్లు ఫన్నీగా కామెంట్లు పెడుతున్నారు.కళ్లల్లోకి చాలా ధైర్యంగా చూసి సింహాన్ని భయపెట్టేశాడని వ్యాఖ్యానిస్తున్నారు.