రెండు దిగ్గజ కంపెనీల కీలక ఒప్పందం.. సంయుక్తంగా రైల్వే కోచ్‌లు, వ్యాగన్ల తయారీ..

రైల్వే కోచ్‌లు, వ్యాగన్ల తయారీకి రెండు దిగ్గజ కంపెనీలు ముందుకు వచ్చాయి.సంయుక్తంగా వీటిని తయారు చేయనున్నాయి.

అల్యూమినియం రోలింగ్, రీసైక్లింగ్‌లో గ్లోబల్ ఎంటర్‌ప్రైజ్ సంస్థ అయిన హిండాల్కో ఇండస్ట్రీస్ లిమిటెడ్, ఇంజినీరింగ్‌లో నైపుణ్యం కలిగిన సంస్థ టెక్స్‌మాకో రైల్ ఇంజినీరింగ్ లిమిటెడ్‌లు ఈ వ్యూహాత్మక భాగస్వామ్యాన్ని ఏర్పరచుకున్నాయి.సంయుక్తంగా అధిక నాణ్యత గల అల్యూమినియం రైల్ వ్యాగన్‌లు, కోచ్‌లను ఉత్పత్తి చేయనున్నాయి.

ఈ కోచ్‌లు భారతీయ రైల్వేలు ఉద్గార తగ్గింపు లక్ష్యాన్ని చేరుకోవడంతోపాటు కార్యాచరణ సామర్థ్యాన్ని పెంచడంలో కీలక పాత్ర పోషిస్తాయని హిండాల్కో ఒక ప్రకటనలో తెలిపింది.హిందాల్కో సంస్థ ఇప్పటికే తన ప్రత్యేకమైన అల్యూమినియం మిశ్రమాల ప్రొఫైల్‌లు, షీట్‌లు మరియు ప్లేట్‌లతో పాటు ఫాబ్రికేషన్, వెల్డింగ్ నైపుణ్యంతో ఎందరినో ఆకట్టుకుంది.

టెక్స్‌మాకో సంస్థ సాంకేతిక నైపుణ్యాన్ని అందించనుంది.డిజైన్, ఫ్యాక్టరీ, ఉత్పత్తి, నైపుణ్యం కలిగిన కార్మికులను అందించనుంది.