భూగర్భ లోతుల్లో కట్టిన హోటల్.. అక్కడికి వెళ్లడమే ఓ పెద్ద సాహసం..

సాధారణంగా భూగర్భంలోకి ఒక 100 అడుగుల లోతుకు వెళితేనే చాలా భయమేస్తుంది.అలాగే ఆక్సిజన్ కూడా అందదు.

అలాంటిది యునైటెడ్ కింగ్‌డమ్‌లో( United Kingdom ) ఒక హోటల్‌ను భూమికి 1,375 అడుగుల దిగువన నిర్మించారు.ఇందులోకి వెళ్లాలంటే ప్రాణాలపై ఆశ వదిలేసుకోవాలని చెబుతుంటారు.

ఎందుకంటే ఈ హోటల్లోకి వెళ్లాలంటే చాలా అడ్వెంచర్స్ చేయాల్సి ఉంటుంది.డీప్ స్లీప్ అని ఈ ప్రత్యేకమైన హోటల్‌ను పిలుస్తుంటారు.

ఇది ప్రపంచంలోనే అత్యంత లోతైన అండర్‌గ్రౌండ్ హోటల్.స్నోడోనియా పర్వతాల( Mountains of Snowdonia ) క్రింద 1,375 అడుగుల దిగువన ఇది ఉంటుంది.

అక్కడికి చేరుకోవడానికి, పాత విక్టోరియన్ స్లేట్ గని( Victorian slate mine ) గుండా ప్రయాణించాలి.డీప్ స్లీప్ అనేది సాధారణ హోటల్ లాంటిది కాదు, ఇది మరింత సాహసోపేతమైన క్యాంపింగ్ అనుభూతిని అందిస్తుంది.

డీప్ స్లీప్‌లో జంట పడకలతో నాలుగు ప్రైవేట్ క్యాబిన్‌లు, రొమాంటిక్ బస కోసం డబుల్ బెడ్‌తో కూడిన ప్రత్యేక గ్రోట్టో క్యాబిన్ ఉన్నాయి.క్యాబిన్లు వెచ్చగా, ఫుల్లీ వెంటిలేటెడ్ ఫెసిలిటీతో ఉంటాయి.

అలానే అవి మందపాటి ఇన్సులేషన్ కలిగి ఉంటాయి.అయినప్పటికీ, గని చాలా చల్లగా ఉంటుంది, ఏడాది పొడవునా 10 డిగ్రీల సెల్సియస్ ఉష్ణోగ్రత ఇక్కడ నమోదు అవుతుంటుంది.

కాబట్టి, సందర్శకులు వెచ్చని బట్టలు ధరించాల్సి వస్తుంది.