ఏంటి .. అదంతా రాజమౌళి పబ్లిసిటి కోసం చేసిందా?

మరో రెండు నెలల్లో బాహుబలి 2 విడుదల కాబోతోందన్న మాటే కాని ఇప్పటివరకూ ప్రమోషన్స్ మొదలుపెట్టలేదు మేకర్స్.ఇంకా రెండు నెలల టైమ్ ఉందిగా .

తొందరేముంది అని అనుకోవద్దు.బాలివుడ్ లో నెల - నెలన్నర - రెండు నెలల ముందే మొదలుపెట్టేస్తారు.

మరి బాహుబలి హిందీలో కూడా విడుదల అవుతుంది కదా.ప్రమోషన్స్ మొదలుపెట్టలేదు అని మనం అనుకుంటున్నాం కాని, రాజమౌళి ఆల్రెడి ఆ పని మొదలుపెట్టేసారు అని చెబుతున్నారు ట్రెడ్ ఎక్సపర్ట్స్.మొన్న బాహుబలి 2 లో షారుఖ్ ఖాన్ ఉన్నట్లు ఓ రూమర్ పుట్టుకొచ్చింది గుర్తుందా? దాంతో కొన్నిరోజులుగా బాహుబలిపై మౌనంగా ఉన్న నేషనల్ మీడియా ఒక్కసారిగా మేల్కొని ఓ రోజంతా బాహుబలిలో షారుఖ్ అంటు ప్రచారం చేసింది.ఇది రాజమౌళి, బాహుబలి పీఆర్ టీమ్ క్రియేట్ చేసిన రూమర్ అని ఫిలింనగర్ లో టాక్ నడుస్తోంది.

బాహుబలి వస్తోందని చిన్నగా ఝలక్ ఇవ్వడానికే ఈ రూమర్ వదిలి, పబ్లిసిటి స్టంట్ చేసారని అంటున్నారు.ఇక షారుఖ్ లేడు అని తెలిసేసరికి, మళ్ళీ ఆ వార్తకి డప్పుమేలం వేసింది జాతీయ మీడియా.

దీంతో ప్రమోషన్స్ మొదలయ్యాయి.ఇక టీజర్, ట్రైలర్, ఇంటర్వ్యూలు రావడం మిగిలిఉంది.