Sameer Kamath : అదే యూనివర్సిటీ, అదే విషాదం.. అమెరికాలో మరో భారత సంతతి విద్యార్ధి మృతి

అగ్రరాజ్యం అమెరికాలో భారతీయ విద్యార్ధుల మరణాలు ఆగడం లేదు.ఇప్పటికే నలుగురు పిల్లలు ప్రాణాలు కోల్పోగా.

తాజాగా మరో భారత సంతతి విద్యార్ధి మృతి చెందాడు.అది కూడా ఇండియానా రాష్ట్రంలోని పర్డ్యూ యూనివర్సిటీలోనే( Purdue University ) కావడం గమనార్హం.

గడిచిన కొద్ది నెలల్లో ఈ విశ్వవిద్యాలయంలో ఓ భారతీయ విద్యార్ధి ప్రాణాలు కోల్పోవడం ఇది మూడోసారి.వివరాల్లోకి వెళితే.

పర్డ్యూలో పీహెచ్‌డీ చదువుతున్న సమీర్ కామత్( Sameer Kamath ) అనే విద్యార్ధి అనుమానాస్పద రీతిలో మరణించాడు.సోమవారం సాయంత్రం స్థానిక నేచర్ రిజర్వ్ వద్ద సమీర్ శవమై కనిపించాడు.

అమెరికన్ సిటిజన్‌షిప్ వున్న సమీర్‌.గతేడాది ఆగస్టులో మాస్టర్స్ పూర్తి చేసి.

పీహెచ్‌డీలో చేరాడు.అయితే ఆయన మరణానికి స్పష్టమైన కారణాలు ఏంటనేది తెలియరాలేదు.

పోస్ట్‌మార్టం రిపోర్ట్ తర్వాతే దీనిపై క్లారిటీ వచ్చే అవకాశం వుంది.