మార్చి నుంచి దేశంలోని ఆ 22 నగరాల‌కు మ‌హ‌ర్ద‌శ‌... వివ‌రాలివే...

కేంద్ర ప్రభుత్వం ప్రతిష్టాత్మకంగా చేపట్టిన స్మార్ట్ సిటీ మిషన్ కింద దేశంలోని 22 నగరాలను స్మార్ట్ సిటీలుగా మార్చే పనులు మార్చి 2023 నాటికి పూర్తవుతాయి.

స్మార్ట్ సిటీలలో ప్రజలు నాణ్యమైన మెరుగైన జీవితాన్ని, స్వచ్ఛమైన మరియు స్థిరమైన వాతావరణాన్ని పొందుతారని కేంద్ర గృహనిర్మాణ మరియు పట్టణ వ్యవహారాల మంత్రిత్వ శాఖ పేర్కొంది.

జూన్ 25, 2015న మోదీ ప్రభుత్వం స్మార్ట్ సిటీ మిషన్‌ను ప్రారంభించింది.స్మార్ట్ సిటీ ప్రమాణాల ప్రకారం మార్చి నాటికి అన్ని ప్రాజెక్టులను పూర్తి చేసిన 22 నగరాల్లో వారణాసి, ఆగ్రా, రాంచీ, భోపాల్, ఇండోర్, ఉదయ్‌పూర్, పూణే, పింప్రి చించ్‌వాడ్, అహ్మదాబాద్, సూరత్, చెన్నై, కాకినాడ‌, కోయంబత్తూర్ ఉన్నాయ‌ని సీనియర్ మంత్రిత్వ శాఖ అధికారి ఒకరు తెలిపారు.

ఈరోడ్, భువనేశ్వర్, సేలం, విశాఖపట్నం, వెల్లూరు, మధురై, అమరావతి, తిరుచిరాపల్లి మరియు తంజావూరుల‌లో వచ్చే మూడు-నాలుగు నెలల్లో మిగిలిన 78 శాతం ప్రాజెక్టు పనులను పూర్తి చేస్తామని అధికారి తెలిపారు.స్మార్ట్ సిటీస్ మిషన్ నగర స్థాయిలో స్పెషల్ పర్పస్ వెహికల్ (ఎస్‌పీవీ) ద్వారా అమలు చేయబడుతుంది.

ఈ ఎస్‌వీపీలు తమ స్మార్ట్ సిటీ ప్రాజెక్ట్‌లను ప్లాన్ చేస్తాయి, అమలు చేస్తాయి, ఆపరేట్ చేస్తాయి, పర్యవేక్షిస్తాయి మరియు మూల్యాంకనం చేస్తాయి.