200 మంది భారతీయులను బహిష్కరించిన అమెరికా

అమెరికాలో( America ) అక్రమంగా నివసిస్తున్న భారతీయులను( Indians ) అక్కడి ప్రభుత్వం దేశం నుంచి బహిష్కరిస్తున్న సంగతి తెలిసిందే.

దీనిలో భాగంగా 200 మంది భారతీయుల బృందంతో కూడిన అమెరికా సైనిక విమానం బుధవారం ఉదయం 9 గంటలకు పంజాబ్‌లోని అమృత్‌సర్‌లో దిగనుంది.

వీరిలో ఎక్కువ మంది పంజాబ్( Punjab ) ఇతర రాష్ట్రాలకు చెందినవారే.అమెరికా అధ్యక్షుడిగా డొనాల్డ్ ట్రంప్( President Donald Trump ) రెండోసారి పదవీ బాధ్యతలు స్వీకరించిన తర్వాత ఇదే మొదటి బహిష్కరణ.

అక్రమంగా అమెరికాలో ఉంటోన్న భారతీయులను తరలించడానికి యూఎస్ మిలిటరీ సీ -17 గ్లోబ్ మాస్టర్ సైనిక విమానాన్ని ఉపయోగిస్తోంది.ఇది అమృత్‌సర్‌లో దిగే ముందు జర్మనీలోని రామ్ స్టెయిన్ వైమానిక స్థావరంలో ఇంధనం నింపుకోనుంది.

అక్రమ వలసదారులను( Illegal Migrants ) భారత్‌కు తిప్పి పంపేందుకు అమెరికా ప్రభుత్వం సైనిక విమానాన్ని ఉపయోగించడం ఇదే మొదటిసారి.గతంలో భారతీయులను బహిష్కరించినప్పుడు వాణిజ్య విమానాల ద్వారానే వలసదారులను పంపేది.